محب چائے☺️

دل لگی دلبری عاشقی چائے سے
چل رہی ہے مری زندگی چائے سے

یہ مرا تجربہ ہے مرے دوستو
دور ہو جائے گی کاہلی چائے سے

دیکھئے پی کے ہی سب ہوئے ہیں حسیں
عالیہ، ثانیہ، مادری، چائے سے

آپ غمگین ہیں سر میں رہتا ہے درد ؟
کیجئے آپ پھر دوستی چائے سے

ایک کپ پی لیا درد سر جب بڑھا
چھٹ گئی رنج کی تیرگی چائے سے

دیکھ کر ہر کوئی کہہ رہا ہے مجھے
عشق کرتا ہے یہ آدمی چائے سے

اس سے کاظم مری دشمنی جانئے
جس کسی کو بھی ہے دشمنی چائے سے
۔۔۔۔ ۔۔۔۔۔۔۔۔۔۔۔۔۔۔۔۔۔۔۔
کاظم شیرازی یوپی