ပြစ်ဒဏ်လွတ်ငြိမ်းခွင့်ဖြင့် လွတ်မြောက်လာသည့် KBC ဥက္ကဋ္ဌဟောင်း ဒေါက်တာခလမ်ဆမ်ဆွမ်အား လုံခြုံရေး တပ်ဖွဲ့ဝင်များက ပြန်လည်ခေါ်ဆောင်သွား
မြစ်ကြီးနားအကျဉ်းထောင်တွင် ထောင်ဒဏ်ကျခံနေရသည့် ကချင်နှစ်ခြင်းခရစ်ယာန်အဖွဲ့ချုပ် ဥက္ကဋ္ဌဟောင်း လက်ရှိကချင်အမျိုးသား အတိုင်ပင်ခံအဖွဲ့ဥက္ကဋ္ဌ ဒေါက်တာခလမ်ဆမ်ဆွမ်သည် ဧပြီ ၁၇ ရက်တွင် ပြစ်ဒဏ်လွတ်ငြိမ်းခွင့်ဖြင့် ပြန်လည်လွတ်မြောက်လာပြီးနောက် ညပိုင်း၌ပင် လုံခြုံရေးတပ်ဖွဲ့ဝင်များက ပြန်လည်ခေါ်ဆောင်သွားကြောင်း သိရသည်။
ထိုသို့ခေါ်ဆောင်သွားရာတွင် ဒေါက်တာခလမ်ဆမ်ဆွမ် အပြင် ၎င်း၏ ဇနီးနှင့် ကချင်ငြိမ်းချမ်းရေးအကျိုးဆောင်အဖွဲ့(PCG)မှ အဖွဲ့ဝင် ဦးလမိုင်ဂွမ်ဂျာတို့လည်း ပါဝင်ကြောင်း သိရသည်။
"သတင်းမီဒီယာတွေမှာလည်း ကျယ်ပြန့်။ ဆရာကို ကြိုဆိုပွဲတွေလည်း လုပ်ကြတော့ ထိတ်လန့်တဲ့သဘောရှိတယ်။ ငြိမ်းချမ်းရေး အကျိုးဆောင်အဖွဲ့ PCG က ဦးလမိုင်ခွန်ဂျာရယ်။ဆရာနဲ့ ဆရာကတော်ရယ်ခေါ်သွားတာ။ထောင်ထဲကိုတော့ မဟုတ်ဘူးပေါ့"ဟု ၎င်းနှင့်နီးစပ်သူတစ်ဦးက ပြောကြားသည်။
လက်ရှိအချိန်အထိ ၎င်းတို့သုံးဦးကို မည်သည့်အကြောင်းကြောင့် ပြန်လည်ခေါ်ဆောင်သွားသည်ကို မသိရှိရသေးပေ။
■ Read More - - - >>>
https://news-eleven.com/article/290923