✧
ഡോക്ടർ തഖിയുദ്ധീൻ അൽ ഹിലാലി ഖുബൂരിസം വെടിയാൻ കാരണമായ, ആധുനിക സൂഫികൾ വെച്ച്‌ പുലർത്തുന്ന വികല വിശ്വാസങ്ങളുടെ അടിവേരറുക്കുന്ന ഒരു സംവാദം ➌ ✧
⊙
അലവി മാലികിയുമായി കണ്ടു മുട്ടുന്നുഹിലാലി തുടരുന്നു ::
കുറച്ച്‌ ദിവസങ്ങൾക്ക്‌ ശേഷം പുസ്തക വിൽപ്പനക്കാരനായ ഷെയ്ഖ്‌ മുഹമ്മദ്‌ അൽ ഖയ്യാത്വിന്റെ അടുക്കൽ ഇരിക്കുമ്പോൾ അദ്ധേഹം എന്നോട്‌ ചോദിച്ചു :: നീ മുഹമ്മദ്‌ ബ്നുൽ അറബി അൽ അലവി ഉസ്താദുമായി സംഗമിച്ചിട്ടുണ്ടോ?
ഞാൻ പറഞ്ഞു :: ഇല്ല.
അദ്ധേഹം പറഞ്ഞു :: ഈ മനുഷ്യൻ ഫാസിലെ ഏറ്റവും നല്ല പണ്ഢിതനാണ്‌, മറ്റാരുടെ അടുക്കലുമില്ലാത്ത നിലക്കുള്ള ഗ്രന്ഥ ശേഖരം അദ്ധേഹത്തിന്റെയടുക്കലുണ്ട്‌. എന്നിങ്ങനെ പറഞ്ഞ്‌ അദ്ധേഹത്തെ അങ്ങേയറ്റം പ്രശംസിച്ചു.
ഞാൻ പറഞ്ഞു :: അയാളുമായി കണ്ടു മുട്ടാൻ എനിക്ക്‌ താത്പര്യമില്ല. കാരണം അയാൾ തീജാനി ത്വരീഖത്തിന്റെ ഷെയ്ഖായ അഹ്മദ്‌ തീജാനിയെ കുറ്റം പറയുന്നയാളാണ്‌, അത്തരക്കാരോട്‌ എനിക്ക്‌ വെറുപ്പാണ്‌.
അപ്പോൾ അദ്ധേഹം പറഞ്ഞു :: ഒരു മത വിദ്ധ്യാർത്ഥി വിശാലമായ ചിന്തയുടെ ഉടമയായിരിക്കുകയും, എല്ലാവരുമായും കൂടിച്ചേരാവുന്ന നിലക്ക്‌ നല്ല സ്വഭാവത്തിന്റെ ഉടമയായിരിക്കുകയും വേണം. അപ്പോഴാണ്‌ അവന്റെ അറിവ്‌ വർദ്ധിക്കുക. പണ്ഢിതന്മാർ പറയുന്ന എല്ലാം അത് പോലെ തഖ്‌ലീദ്‌ ചെയ്യൽ അവന്റെ മേൽ നിർബന്ധമല്ല. നേരെ മറിച്ച്‌ ശുദ്ധമായവ സ്വീകരിക്കുകയും, മലിനമായവ ഒഴിവാക്കുകയും വേണം.
അത് കൊണ്ട് ഈ വ്യക്തിയുമായി നീ കണ്ട്‌ മുട്ടിയില്ലെങ്കിൽ നിനക്ക്‌ വലിയ അറിവാണ്‌ നഷ്ടപ്പെടുക.
അങ്ങനെ അദ്ധേഹവുമായി കണ്ട്‌ മുട്ടാൻ ഞാൻ തീരുമാനിച്ചു. അദ്ധേഹത്തെ കണ്ട്‌ മുട്ടുന്ന സമയത്ത്‌ പറയാനുള്ള നാല്‌ വരി കവിതകൾ ഞാൻ എഴുതി വെക്കുകയും ചെയ്തു. ഫാസിലെ കോടതിയിലെ ജഡ്ജിയായിരുന്ന അദ്ധേഹം കോടതിയിൽ നിന്ന് പുറത്ത്‌ വന്ന് തന്റെ മൃഗവാഹനത്തിൽ കയറുന്നതിന്‌ മുമ്പായി ഞാൻ എഴുതിയ വരികൾ അദ്ധേഹത്തെ കാണിച്ചു. അപ്പോൾ അദ്ധേഹം എന്റെ കൂടെയുള്ള ആളോട്‌ നിനക്ക്‌ എന്റെ വീട്‌ അറിയാമെങ്കിൽ ഇദ്ധേഹത്തെയും കൊണ്ട് രാവിലെ ഒമ്പതിന്‌ വീട്ടിലേക്ക്‌ വാ എന്ന് പറഞ്ഞു.
അന്ന് റബീഉൽ അവ്വൽ 12 ആയിരുന്നു. മൊറോക്കോയിലും മറ്റ്‌ പല നാടുകളിലും അന്ന് ആഘോഷ ദിവസമാണ്‌. മൊറോക്കോയിലെ ഈാസാവികൾ എന്ന് പറയുന്ന വിഭാഗക്കാർ എല്ലാ വർഷത്തിലും ആ ദിവസം ഒരിടത്ത്‌ ഒരുമിച്ച്‌ കൂടി പാട്ട്‌ പാടിക്കൊണ്ടും, ചെണ്ട കൊട്ടിക്കൊണ്ടും ആഘോഷങ്ങൾ നിർവ്വഹിക്കുകയും, ഒടുവിൽ ഒരു തരം ഭ്രാന്ത്‌ പിടിച്ച അവസ്ഥ എത്തിയാൽ ആടിനെയും, കോഴിയെയും അറവ്‌ നടത്താതെ അതിന്റെ പച്ചയിറച്ചി ഭക്ഷിക്കുകയും ചെയ്യും. ഈ ആഘോഷങ്ങൾ കാരണം രണ്ടര മണിക്കൂർ കഴിഞ്ഞാണ്‌ ഞങ്ങൾ നിശ്ചിത സ്ഥലത്ത്‌ എത്തിപ്പെട്ടത്‌.
അദ്ധേഹത്തിന്റെ വീടിന്റെ പാറാവുകാരനോട്‌ കാര്യമറിയിക്കുകയും അദ്ധേഹം അകത്ത്‌ പോയി തിരിച്ച്‌ വന്ന് കൊണ്ട് പറഞ്ഞു :: നിങ്ങൾ പറഞ്ഞ സമയത്ത്‌ വന്നില്ല. ഇപ്പോൾ അദ്ധേഹം ഫ്രാൻസിലെ ചില ഭരണാധികാരികളുമായുള്ള ചർച്ചയുടെ തിരക്കിലാണ്‌. തിരിച്ച്‌ പോയി അസർ നമസ്കാരം കഴിഞ്ഞ്‌ വരൂ
അങ്ങനെ ഞങ്ങൾ മടങ്ങി.
ഞാൻ എന്റെ കൂട്ടുകാരനോട്‌ പറഞ്ഞു :: നമുക്ക്‌ ഇനി അയാളെ കാണാൻ വരണ്ട. അയാളുമായുള്ള കൂടിക്കാഴ്ച്ചയിൽ നിന്ന് അല്ലാഹു നമ്മെ കാത്തു. കാരണം അയാൾ നമ്മുടെ ഷെയ്ഖിനോടും, ത്വരീഖത്തിനോടും വെറുപ്പ്‌ വെച്ച്‌ പുലർത്തുന്നവനാണ്‌. അല്ലാഹു നമുക്ക്‌ തെരഞ്ഞെടുത്തതിലാണ്‌ ഖൈറുള്ളത്‌.
അപ്പോൾ കൂട്ടുകാരൻ പറഞ്ഞു :: ഷെയ്ഖല്ല കുറ്റക്കാരൻ, അദ്ധേഹം വാസ്തവമായ ഒരു ഒഴിവ്‌ കഴിവാണ്‌ പറഞ്ഞിട്ടുള്ളത്‌. ശരിയായ രീതി നാം അദ്ധേഹത്തെ കാണാൻ വരണം എന്നതാണ്‌.
അങ്ങനെ അസറിന്‌ ശേഷം അദ്ധേഹത്തിന്റെയടുക്കൽ ഞങ്ങളെത്തി.
ഷെയ്ഖ്‌ കത്താനിയുടെയും, ഫാസിലെ മറ്റ്‌ പണ്ഢിതന്മാരുടെയടുക്കലും കാണാത്ത നല്ല സ്വഭാവങ്ങളും അദ്ധേഹത്തിൽ ഞാൻ കണ്ടു. പുസ്തക വിൽപ്പനക്കാരൻ എന്നോട്‌ ആദ്യം പറഞ്ഞ പോലെ തന്നെ നല്ല ഒരു മനുഷ്യനെ അയാളിൽ ഞാൻ കണ്ടു.
(⋯)
#الصوفية
𝕗𝕒𝕨𝕒𝕚𝕕 𝕞𝕒𝕝𝕒𝕪𝕒𝕝𝕒𝕞
https://t.me/fawaid_malayalam
