स्पर्धावाहिनी

भारतातील रामसर स्थळांमधे आणखी 11 स्थळांचा समावेश.

भारतातील रामसर स्थळांमधे आणखी 11 स्थळांचा समावेश होऊन आता भारतातील रामसर स्थळांची एकूण संख्या 75 झाली आहे या स्थळामधे सामावलेले एकूण क्षेत्रफळ आता 13 लाख 26 हजार 677 हेक्टर इतके झाले आहे.

महत्वाचे मुद्दे:

• तमिळनाडु मधील चार, ओडिशा मधील तीन, जम्मू-कश्मीर आणि मध्य प्रदेश आणि महाराष्ट्र मधील एक-एक साइट यामधे समाविष्ट केलेली आहे.

• वर्ष 2022 मध्ये आतापर्यंत 28 रामसर स्थळांची यादी समाविष्ट केली गेली आहे.

• तमिळनाडु मध्ये रामसर स्थळांची सर्वाधिक १४ संख्या आहे तर उत्तर प्रदेशात १० रामसर स्थळ आहेत.

रामसर कन्वेंशन (Ramsar Convention on Wetlands of International Importance) :

• इराण मधील रामसर या शहरात २ फेब्रुवारी १९७१ रोजी जगभरातील पाणथळ जागांच्या संरक्षणासाठीच्या उपाययोजनांवर चर्चा करण्यासाठी एक परिषद भरवण्यात आली. या परिषदेतील ठरावाला रामसर ठराव म्हणून ओळखले जाते. या परिषदेत जगातील महत्त्वपूर्ण पाणथळ जागांचे संवर्धन आणि त्यांच्या पर्यावरणपूरक वापराचे निर्णय घेण्यात आले. त्यासाठीचा कृती आराखडाही तयार करण्यात आला. 
• हा ठराव १९७५ सालापासून अंमलात आला.
• भारताने हा करार ०१ फेब्रुवारी १९८२ रोजी स्वीकारला.
• १९७१ मध्ये रामसर (ईरान) मध्ये समाविष्ट केले गेले. 
• युनायटेड किंगडम मधे सर्वाधिक १७५ रामसर साइट्स आहेत.  त्यानंतर मेक्सिको मधे १४२ रामसर साइट्स आहेत.
• जागतिक पाणथळ जागा दिन दरवर्षी 2 फेब्रुवारी रोजी साजरा केला जातो.

महाराष्ट्रातील रामसर स्थळे:

• पाणथळांसाठीच्या आंतरराष्ट्रीय रामसर अधिवेशनात नाशिक जिल्ह्यातील ‘नांदूर मधमेश्वर’अभयारण्यास जानेवारी २०२० मध्ये रामसर स्थळाचा दर्जा दिला गेला. हे महाराष्ट्रातील पहिले रामसर स्थळ आहे.
• नोव्हेंबर २०२० मध्ये घोषित झालेले  बुलढाण्यातील ‘लोणार’ सरोवर हे महाराष्ट्रातील दुसरे रामसर स्थळ आहे.
• यानंतर आता ठाणे खाडीला रामसर स्थळाचा दर्जा मिळाल्यानंतर महाराष्ट्रातील हे तिसरे रामसर स्थळ झाले आहे.

महाराष्ट्रातील एकूण 3 रामसर स्थळे :
१) नांदूर मंधमेश्वर.
२) लोणार सरोवर.
३) ठाणे खाडी.


संकलन : टीम स्पर्धावाहिनी
---------------------
दर्जेदार ऑनलाइन टेस्ट साठी
आजच डाउनलोड करा...
स्पर्धावाहिनी ऍप...
👇👇
http://shorturl.at/kJPV7

जगदीप धनखड बनले देशाचे १४ वे उपराष्ट्रपती

पश्चिम बंगालचे माजी राज्यपाल जगदीप धनखड यांनी देशाचे १४ वे उपराष्ट्रपती म्हणून आज शपथ घेतली.
नवनिर्वाचित राष्ट्रपती द्रौपदी मुर्मू यांनी धनखड यांना पद आणि गोपनियतेची शपथ दिली.
दिल्लीतील राष्ट्रपती भवनात हा शपथविधी सोहळा पार पडला.

उपराष्ट्रपती पदाची निवडणूक:
७ ऑगस्टला पार पडलेल्या उपराष्ट्रपतीपदाच्या निवडणुकीत भाजपप्रणीत राष्ट्रीय लोकशाही आघाडीचे उमेदवार जगदीप धनखड यांनी विरोधी पक्षाच्या उमेदवार मार्गारेट अल्वा यांचा प्रचंड मतांनी पराभव केला होता.
या निवडणुकीत धनखड यांना ५२८ मते मिळाली होती. तर अल्वा यांना केवळ १८२ मतांवर समाधान मानावे लागले होते.
धनखड यांना मिळालेल्या एकुण मतांची टक्केवारी ७३ एवढी होती.

जगदीप धनखड:
जगदीप धनखड यांचा जन्म १८ मे १९५१ रोजी राजस्थानमधील झुंझुनू जिल्ह्यातील किठाणा या गावात झाला.

धनखड यांनी आपल्या राजकारणाची सुरुवात जनता दलमधून केली. ते १९८९ मध्ये झुंझुनूमधून ते पहिल्यांदा खासदार म्हणून निवडून आले. १९८९ ते १९९१ या काळात व्हीपी सिंह आणि चंद्रशेखर यांच्या सरकारमध्ये ते केंद्रीय मंत्रीही होते. मात्र, १९९१ च्या लोकसभा निवडणुकीत जनता दलने जगदीप धनखड यांचे तिकीट कापल्याने त्यांनी पक्ष सोडला आणि काँग्रेसमध्ये प्रवेश केला आणि १९९३ मध्ये अजमेरमधील किशनगडमधून काँग्रेसच्या तिकीटावर निवडणूक लढवली आणि आमदार झाले.
२००३ मध्ये त्यांचे काँग्रेसमध्येही मदभेद झाले आणि त्यांनी काँग्रेससोडून भाजपमध्ये प्रवेश केला. २०१९ मध्ये त्यांना पश्चिम बंगालचे राज्यपाल बनवण्यात आले. आता त्यांची देशाचे १४ वे उपराष्ट्रपती म्हणून निवड झाली आहे. त्यांनी ११ ऑगस्ट रोजी उपराष्ट्रपती म्हणून शपथ घेतली.


---------------------
दर्जेदार ऑनलाइन टेस्ट सिरीज साठी
आजच डाउनलोड करा...
स्पर्धावाहिनी ऍप...
👇👇
http://shorturl.at/kJPV7

न्या. यू. यू. लळ ची सरन्यायाधीशपदी नियुक्ती

न्यायमूर्ती उदय उमेश लळित यांची देशाचे नवे सरन्यायाधीश म्हणून नियुक्ती करण्यात आली आहे.
ते देशाचे ४९ वे सरन्यायाधीश आहेत.

२७ ऑगस्ट रोजी न्या. लळित यांचा शपथविधी होणार आहे.

सध्याचे सरन्यायाधीश एन. व्ही. रमणा यांचा कार्यकाळ २६ ऑगस्ट रोजी समाप्त होत असल्याने दुसऱ्या दिवशी न्या. लळित कार्यभार स्वीकारतील.

केवळ तीन महिने न्या. लळित या पदावर असतील. ८ नोव्हेंबर रोजी त्यांचा कार्यकाळ समाप्त होणार आहे.
न्या. लळित हे दुसरे सरन्यायाधीश असतील, ज्यांना वकिलांमधून थेट सर्वोच्च न्यायालयाच्या खंडपीठात स्थान देण्यात आले.

१९७१मध्ये एस. एम. सिक्री यांची सरन्यायाधीशपदी नियुक्ती करण्यात आली, जे मार्च १९६४मध्ये थेट सर्वोच्च न्यायालयाच्या खंडपीठात नियुक्त झालेले पहिले वकील होते.

न्या. यू. यू. लळित यांच्याविषयी.
९नोव्हेंबर १९५७ रोजी न्या. यू. यू. लळित यांचा जन्म झाला. त्यांचे पिता यू. आर. लळित हे मुंबई उच्च न्यायालयाच्या नागपूर खंडपीठात अतिरिक्त न्यायाधीश होते.
न्या. लळित यांनी मुंबई उच्च न्यायालयात जून १९८३ मध्ये वकिलीला सुरुवात केली. त्यानंतर त्यांनी १९८६पासून दिल्ली न्यायालयात वकिली केली. एप्रिल २००४ मध्ये ते सर्वोच्च न्यायालयात वरिष्ठ वकील म्हणून नियुक्त झाले.

१३ ऑगस्ट २०१४ रोजी सर्वोच्च न्यायालयाचे न्यायाधीश म्हणून त्यांची नियुक्ती करण्यात आली.

सर्वोच्च न्यायालयातील अनेक ऐतिहासिक निकालांचा ते भाग होते. पाच न्यायाधीशांच्या घटनापीठाने ऑगस्ट २०१७ मध्ये ३-२ अशा बहुमताने ‘तिहेरी तलाक’ घटनाबाह्य असल्याचा निकाल दिला होता. या तीन न्यायाधीशांमध्ये न्या. लळित यांचाही समावेश होता.

---------------------
दर्जेदार ऑनलाइन टेस्ट सिरीज साठी
आजच डाउनलोड करा...
स्पर्धावाहिनी ऍप...
👇👇
http://shorturl.at/kJPV7