"~ ආරාධනා ~" — @Aradana001 Telegram-kanali

~ ආරාධනා ~

18 Mar, 15:53

බස් 1 ක
කිස් 1 ක්

එළිපිට චූ කරලා
හැංගිලා කිස් කරන
සිරෝසිස් බඩවල්..
පිට ලෑලි ස්තිරි පරාණ...
පිරි
උප සංස්කෘතික
ලංගමයක..

හරස් පොල්ලක
පැද්දි පැද්දි
අපි දෙන්නා
කිස් කරා.

රෝද ටික ඉගිලුනා..
ලංගමයා පා වුනා..
වළාකුල් පුපුරලා....
රෝස මල් ඉහිරුවා....
තරු පැටව් හිනැහුනා...
ඉරත් ඇස් ඉඟි කරා....

අපි දෙන්නා
කිස් කරා.....

පොලොවටම අපි හලලා
ලංගමයා ගමේ ගිය
පැය ගණන් ගතවෙලත්

මං ගාව ඒ සුවද තියෙනවා.
හිනෙනුත් අපි තාම ඉඹිනවා.

ඒත්..
එකම මිනිහව පතපු
පත්තිනිලා තාම මට රවනවා.

රෑ හිතෙන්

මගෙ සළු ලිහපු,
තොල් වලත් රස බලපු,
පිරිමි හති අරිනවා....

Medusha Ariyarathne