သတင်းမှား ❌🚨🔔:
“နိုင်ငံခြားထွက်မည့် ပညာတော်သင်ဆရာဝန်များ၊ သူနာပြုများ၊ကျောင်းသား (၇၀) ခန့်မင်္ဂလာဒုံလေဆိပ်တွင် ဖမ်းဆီးခံရ”
အထက်ပါသတင်းခေါင်းစဉ်ဖြင့် Era’s Eye အမည်ရှိအွန်လိုင်းသတင်းဌာနတစ်ခုမှ သတင်းအား စာဖတ်သူများ၊ ကျောင်းသားကျောင်းသူများ ယနေ့ share နေကြောင်း အသိမိတ်ဆွေများမှ လာရောက်အသိပေးမေးမြန်းလာတာကြောင့် သက်ဆိုင်ရာသတင်းရင်းမြစ်များနှင့် ဆက်သွယ်ကာ ကျတော်တို့ တိုက်ဆိုင်စစ်ဆေးခဲ့ပါတယ်။
ရန်ကုန်လေဆိပ်မှာ ဆေးလောကမှ CDM (၇၀) ခန့် ယခုရက်ပိုင်းဖမ်းဆီးခံရခြင်းမှာ မဟုတ်မှန်ကြောင်း၊ လွန်ခဲ့တဲ့လပိုင်းအတွင်း ပညာရေးအသိုင်းအဝိုင်းနှင့် ဆေးပညာအသိုင်းအဝန်းမှ CDM များ လေဆိပ်တွင်ရပ်တန့်ခံရခြင်းနှင့် ပတ်စ်ပို့သိမ်းခံရခြင်းများရှိသော်လည်း ယခုနှစ် ဧပြီလ (၂၀) ရက်နေ့မှ ၃ ရက်ဆက်တိုက်အတွင်း ဖမ်းဆီးခံရခြင်းတို့မှာ မရှိကြောင်း သို့သော်လည်း အနည်းငယ်သော လူတချို့မှာ တားဆီးခံရကြောင်း၊ ရက်ပိုင်းအတွင်း နိုင်ငံခြားကျောင်းသွားတက်သူများနှင့် ကျောင်းနားချိန် မြန်မာပြည်ပြန်လာလည်သောသူများ ဝင်ထွက်ခြင်းမျိုးပင်ရှိကြောင်း၊ အဆိုပါသတင်းမှာ မမှန်ကန်ကြောင်း၊ နိုင်ငံခြားကျောင်းသွားတက်မည့် ကျောင်းသူကျောင်းသားများ ထိတ်လန့်စေရန်ရည်ရွယ်ချက်ဖြင့်တင်သော သတင်းများသာဖြစ်နိုင်ကြောင်း သတင်းရင်းမြစ်များက ပြောပါတယ်။
ထို့အပြင် ရက်ပိုင်းအတွင်း နိုင်ငံခြားသွားလည်သူများ၊ ကျောင်းသွားတက်သူများအား ဆက်သွယ်မေးမြန်းရာတွင်လည်း အဆိုပါဖြစ်စဉ်များအား သိရှိခြင်း၊ ကြုံတွေ့ခဲ့ရခြင်းများ မရှိကြောင်း ပြောဆိုကြပါတယ်။
စကားချပ် - လေဆိပ်တွင် အတားအဆီးများ လုံးဝမရှိကြောင်း မဆိုလိုပါ။ သို့သော်လည်း ချဲ့ကားရေးကားထားသောသတင်းများ၊ မဟုတ်မမှန်သတင်းများကို မယုံကြည်ကြရန် အသိပေးခြင်းသာ ဖြစ်ပါတယ်ခင်ဗျာ။
t.me/cape_diamondFacebook link -
https://www.facebook.com/100063713350068/posts/pfbid02fuCqPYwDTGCBBYxiZQcyRoayfYzcyNMBz7AMiVyjXrwxEgQx1EEw5Wpmjk1E1D7Nl/?mibextid=cr9u03