𝔸𝕣𝕒𝕡𝕡𝕠𝕣

Time to Donate!
https://arappor.org/donate/

அறப்போர் இயக்கத்தில் பல தன்னார்வலர்கள் இணைந்து செய்யும் வேலைகளே நாம் செய்யும் மாற்றங்களுக்கு முக்கிய காரணம். ஆனால் அதை ஒருங்கிணைக்க அலுவலக செலவுகள், சில முழு நேர பணியாளர்கள், பயிற்சி முகாம் செலவுகள் போன்றவற்றிற்கு உங்களின் பொருளாதார உதவி பெரும் பங்காக நம் செயல்பாடுகளில் இருந்துள்ளது.

மார்ச் மாதம் நாம் செய்த முக்கிய வேலைகளை இங்கே பார்க்கலாம். தொடர்ந்து பயணிப்போம்! நம் செயல்பாடுகளில் உங்களின் பொருளாதார பங்களிப்பை கீழே உள்ள லிங்கில் செலுத்தலாம்

Your continued support has been of great help in running Arappor's activities continuously. Arappor's volunteers and supporters has been the backbone of this work. Lets continue to work together! Click the following link to doante to Arappor!
https://arappor.org/donate/

திருப்பூரில் அறப்போரின் இலவச RTI பயிற்சி. பதிவு செய்யுங்கள் ! https://forms.gle/yDfbbFMGf1NcVtCb9

நேரில் வாருங்கள் ! சந்திப்போம் .

தேதி : ஏப்ரல் 5, சனிக்கிழமை
நேரம்: மாலை 5 மணிக்கு
இடம்: தமிழக விவசாயிகள் பாதுகாப்பு சங்கம், 365, அகத்தியன் வளாகம், (கோவை பழமுதிர் நிலையம் அருகில்) பல்லடம் சாலை, திருப்பூர், தமிழ்நாடு – 641604

Map: https://maps.app.goo.gl/EBKV83Zvhd7PaAdJ7

அறப்போருக்கு தொடர்ந்து ஆதரவு தெரிவித்து வரும் அனைவருக்கும் நன்றி. நீங்கள் உங்கள் பங்களிப்பை ஒரு முறையோ அல்லது மாதா மாதம் தொடர்ந்து ஒரு குறிப்பிட்ட தொகையோ நன்கொடை கொடுக்க அறப்போரின் இந்த இணையதள லிங்கை கிளிக் செய்யவும் https://arappor.org/donate/

கடந்த மாதம் அறப்போர் இயக்கம் ரூ 992 கோடி ரேஷன் போக்குவரத்து ஊழலை ஆதாரங்களுடன் வெளிக்கொண்டு வந்து அதை CBI, லஞ்ச ஒழிப்பு துறை, முதலமைச்சர் மற்றும் சம்பந்தப்பட்ட துறைகளுக்கு புகார் அனுப்பி உள்ளோம். கிரிமினல் நடவடிக்கை எடுக்கவும், இந்த ஒப்பந்தத்தை உடனே ரத்து செய்யவும், இழந்த பணத்தை மீட்கவும் கோரிக்கை வைத்துள்ளோம்.

என் ஓட்டு விற்பனைக்கு அல்ல என்னும் பிரச்சாரத்தை துவங்கி இந்த மாதத்தில் தமிழகத்தில் உள்ள பல்வேறு மாவட்டங்களில் உள்ள 100 க்கும் மேற்பட்டவர்களுக்கு இந்த பிரச்சார பயிற்சி இணையதளம் வழியாக நடத்தி உள்ளோம். பல இடங்களில் பைலட் பிரச்சாரத்தை தன்னார்வலர்கள் துவங்கி உள்ளனர்.

பெரும்பாக்கம் நகர்புற மேம்பாட்டு வாரியத்தில் கள ஆய்வு மார்ச் மாதம் மீண்டும் மேற்கொண்டோம். ஏற்கனவே 63, 64 வது பிளாக் மக்கள் எடுத்து வைத்த சாக்கடை, சாலை போன்ற பிரச்சனைகளை அறப்போர் வீடியோ மற்றும் புகாருக்கு பிறகு தற்பொழுது சரிசெய்யப்பட்டு, புதிய சாலையும் தெருவில் ஓடும் சாக்கடை பிரச்சனையும் தீர்க்கப்பட்டுள்ளதை மக்கள் தெரிவித்தனர். மேலும் தண்ணீர், லிப்ட், சுவரு உடைவது, கரண்ட் பிரச்சனை போன்றவை நீடித்து வருவதாக தெரிவித்துள்ளனர். அடுத்தது அவற்றை சரி செய்ய வரும் நாட்களில் வேலை செய்ய உள்ளோம்.

அண்ணா பல்கலைகழக மோசடி பேராசிரியர்கள் ஊழலில் கூடுதல் புகார் கடந்த மாதம் கொடுக்கப்பட்டுள்ளது.

உங்கள் ஆதரவுடன் தொடர்ந்து பயணிப்போம்!

Your support both in terms of volunteering as well as donations have helped us to fight corruption and solve public issues continuously. Lets together create a vibrant civil society. Click here to donate
https://arappor.org/donate/

கூடுதல் புகார் - அண்ணா பல்கலைக்கழக பேராசிரியர் மோசடி

அண்ணா பல்கலைக்கழகத்தில் நடந்த பேராசிரியர் மோசடியில், அமைக்கப்பட்ட உண்மை கண்டறியும் குழு இன்று வரை முழுமையான விசாரணை மேற்கொள்ளவில்லை, அதற்கான புதிய ஆதாரம் குறித்தும், தற்போது நடைபெறும் இணைவு அங்கீகார ஆய்வு குறித்தும், அறப்போர் இயக்கம், துறை சார்ந்தவர்களுக்கு கடிதம் அனுப்பியுள்ளது.

தற்பொழுது, 2024-25 கல்வியாண்டுக்காண கல்லூரிகள் மறு ஆய்வு (Re-Inspection) மற்றும் 2025-26 ஆம் ஆண்டுக்கான இணைவு அங்கீகார ஆய்வு (Inspection) செயல்பாடுகள் துவங்கியிருகிறது. சுமார் 2 இலட்சம் மாணவர்களுக்கான கலந்தாய்வு நடைபெற இருக்கும் நிலையில், தற்பொழுது நடைபெற இருக்கும் ஆய்வு மிக முக்கியமானது, அதிலும் முற்றிலும் வெளிப்படைத்தன்மையுடன் அந்த ஆய்வுகள் மேற்கொள்ளப்படுமானால், பல முறைகேடுகள், மோசடிகள் தடுக்கப்படும்.

ஆகவே, மறு ஆய்வு (Re-Inspection) மற்றும் இணைவு ஆய்வு (Inspection) ஆகியவை மேற்கொள்ளும் போது, பேராசிரியர்களின் ஊதிய அறிக்கை (Salary Statement), வருங்கால வைப்பு நிதி (PF), காப்பீடு (ESI) முழுவதும் பரிசோதிக்கவேண்டும், மேலும் தேதியுடன் கூடிய(Date Stamp) வீடியோவாக பதிவு செய்ய வேண்டும். அப்படி வீடியோவாக பதிவு செய்வது என்பது ஆய்வுக்கு பிறகான காலகட்டத்தில் ஏதேனும் முறைகேடுகள் கண்டறியப்பட்டால் அதை நிறுவுவதற்காக பயன்படும்.

எனவே அறப்போர் இயக்கம், சில கோரிக்கைகளை அரசுக்கு முன்வைக்கிறது,
1. 23.07.2024 அன்றைய புகாரில் குறிப்பிட்டது போல இணைவு அங்கீகார ஆய்வு சென்றோர், மோசடியில் ஈடுபட்ட கல்லூரி நிர்வாகம் ஆகியோர் மீது சட்டநடவடிக்கை மற்றும் அங்கீகார இரத்து நடவடிக்கை உடனடியாக மேற்கொள்ள வேண்டும்.

2. அரசு விரிவுரையாளர் மற்றும் அரசு கௌரவ விரிவுரையாளராக வேறு யாரேனும், Dr.J.இராமகிருஷ்ணன் போன்று மோசடியில் ஈடுப்படுள்ளனரா என்று விரைவாக விசாரிக்கப்பட வேண்டும்.

3. தற்பொழுது, மேற்கொள்ள இருக்கும் ஆய்வுகளின் (மறு ஆய்வு மற்றும் இணைவு அங்கீகார ஆய்வு) போது பேராசிரியர்களின் ஊதிய அறிக்கை (Salary Statement), வருங்கால வைப்பு நிதி (PF), காப்பீடு (ESI) முழுவதும் பரிசோதிக்கவேண்டும் மேலும் தேதியுடன் கூடிய(Date Stamp) வீடியோவாக பதிவு செய்ய வேண்டும்.

4. மாணவர்களுக்கான கட்டணம் மற்றும் அவர்களுக்கான கல்வி உரிமை மற்றும் அவர்களுக்கு வழங்கப்படும் திட்டங்களில் ஏதேனும் குறைபாடுகள் இருந்தால் அரசுக்கு தெரியப்படுத்தப்படும் வழிகள் குறித்து விழிப்புணர்வு ஏற்படுத்தப்பட வேண்டும்.
https://youtu.be/Y-onkTGGryQ?feature=shared

*சென்னையில் மார்ச் 30 ஞாயிறு அன்று உடனடியாக உள்ளாட்சி தேர்தல் நடத்த கோரி ஒரு நாள் அடையாள உண்ணாவிரதம்! வாருங்கள் !*

28 மாவட்டங்களில் ஊரக உள்ளாட்சிகளின் பதவிக்காலம் 05.01.2025 அன்று முடிவடைந்துவிட்ட நிலையில், அரசியல் சாசனப்படி அதற்கு முன்பாக நடத்த வேண்டிய ஊரக உள்ளாட்சித் தேர்தல்களை நடத்தாமல் தமிழ்நாடு மாநில தேர்தல் ஆணையம் திமுகவின் கிளையாக செயல்பட்டு வருகிறது.
மத்தியல் கூட்டாட்சி, மாநிலத்தில் சுயாட்சி ஆனால் உள்ளாட்சியில் மட்டும் பிரதிநிதிகளே இல்லாத தகர டப்பா ஆட்சியா @mkstalin ?

28 மாவட்டங்களில்,கிராமப்புற உள்ளாட்சிகளில் 91,975 காலியிடங்கள் இருப்பதால், பொதுமக்கள் பெரும் சிரமங்களை எதிர்கொள்கின்றனர். தண்ணீர், தெருவிளக்குகள் போன்ற அடிப்படை வசதிகளுக்குக் கூட அவர்கள் அல்லல்படும் நிலை பல இடங்களில் உள்ளது .இது குறித்து தன்னாட்சி அமைப்பு தமிழ்நாடு முழுவதும் பயணித்து உள்ளாட்சி பிரதிநிதி இல்லாததால் மக்கள் படும் பிரச்சனைகளை நேரடியாக கண்டறிந்துள்ளது.

தேர்தல்கள்தான் ஜனநாயகத்தின் உயிர்நாடி. எனவே, தமிழ்நாடு மாநில தேர்தல் ஆணையமும் தமிழ்நாடு அரசும் இப்பிரச்னையில் உடனடி நடவடிக்கை எடுத்து தேர்தல் நடத்த கோரி, தன்னாட்சி, அறப்போர் இயக்கம், Voice of People, IGG மற்றும் தோழன் ஆகிய அமைப்புகள் சார்பாக, அறவழி உண்ணாநிலைப் போராட்டத்தை நடத்த உள்ளோம். வரும் ஞாயிறு உங்கள் வேளைகளில் இதற்காக ஒரு சில நேரம் ஒதுக்கி கலந்து கொள்ளுங்கள்.

நாள்: 30.03.2025-ஞாயிறு
நேரம்: 9 AM முதல் 5 PM வரை
இடம்: இராஜரத்தினம் மைதானம் அருகில், எழும்பூர், சென்னை

https://youtu.be/e1P6R_1Uwz4

அறப்போர் இயக்கத்தின் 'என் ஓட்டு விற்பனைக்கு அல்ல' என்னும் பிரச்சாரத்தை உங்கள் பகுதியில் நீங்கள் மேற்கொள்ள விருப்பமா ?? பிரச்சாரத்தில் பங்குபெற இன்றே பதிவு செய்யுங்கள். https://arappor.org/MyVoteIsNotForSale-VolReg

தேர்தல் என்றாலே, வேட்பாளர்கள் யார்? எந்த கட்சிகள் போட்டி போடுகிறது? யார் அவர்கள் என்ற கேள்விகளை தாண்டி, தற்போழுது 'யார் வருவார்கள், எவ்வளவு கொடுப்பார்கள்' என்பதே நாம் பேசும் செய்தியாகி விட்டது.

இப்படி, ஓட்டுக்கு பணம் என்பது சகஜமாகி விட்ட இன்றைய சூழல் என்ன கிடைத்தது நமக்கு?

1. அன்றாடம் எதிர் கொள்ளும் நமது அத்தியவாசிய பிரச்சனைகளை பற்றி கேள்வி கேட்க முடிகிறதா ?

2. தரமான சாலை, குடிநீர் போன்ற அடிப்படை கட்டமைப்புகளை கேட்க முடிகிறதா?

3. தரமான மருத்துவம், தரமான கல்வி என எது குறித்தாவது கேட்க முடிகிறதா?

நமது ஓட்டை நாம் விற்பதாலே கேள்வி கேட்கும் தார்மீக உரிமையையும் இழந்து விடுகிறோம். சில நூறுகளை கொடுத்து விட்டு பல கோடிகளை கொள்ளையடிப்பதை வேடிக்கை மட்டுமே பார்க்க முடிகிறது.

அப்படியே கேட்டாலும், 'சும்மாவா ஓட்டு போட்ட' நம் விரலை கொண்டே நம் கேள்விகளை தட்டிவிடுகிறார்கள். மேலும் அவர்களின் திருட்டு பணத்தில் நாமும் அல்லவா பங்கு கொள்கிறோம்.

என்ன தான் தீர்வு?

நாம் ஒவ்வொருவரும் மாறினால் தான் இந்த அவல நிலையை மாற்ற முடியும். நேர்மையான சமூகத்தை விரும்பும் நாம் நேர்மையாக நடப்பது மிக அவசியம். பணம் வாங்கி கொண்டு உங்கள் தரத்தை தாழ்த்தி சுயமரியாதையை இழக்க போகிறீர்களா?? அல்லது ஓட்டுக்கு பணம் வாங்காமல் நேர்வழியில் நடந்து சுயமரியாதையுடன் இருக்க போகிறீர்களா??
முடிவு உங்கள் கையில்!

மக்கள் எவ்வழியோ, நம்மை ஆட்சி செய்பவர்களும் அவ்வழியே, மாற்றம் நம்மில் இருந்து துவங்கட்டுமே!

நம் ஓட்டு நம் உரிமை!
என் ஓட்டு விற்பனைக்கு அல்ல!
நான் ஓட்டுக்கு பணம் வாங்க மாட்டேன்!

Register now to join the campaign!
https://arappor.org/MyVoteIsNotForSale-VolReg