Biroo Barnootaa Oromiya(BBO)

Dura Bu'ootaafi Itti Aantota Manneen Barnootaa 900 ol Ta'aniif Mata Duree "#Mental_Health & #Psycho_Social" Jedhamu Irratti Leenjiin Kennamuu Eegale.
-----------
BBO- Guraandhala 21/2017 Biiroon Barnootaa Oromiyaafi Ministeerri Barnootaa Itiyoophiyaa waliin ta'uun dura bu'ootaafi Itti aantota dura bu'oota manneen barnootaa godinaalee rakkoo namtolcheefi uumamaa dandamatanii barnoota itti fufsiisaa jiran filachuun mata duree "Mental Health and Psycho Social jedhuufi Haala Hoggansa Manneen Barnootaa" irratti leenjii guytaa 3f turu leenjitoota 900 ol ta'aniif bakka hoggantootni BBOfi MBI argamanitti Giddu Gala Qorannoofi Leenjii Barnootaa Oromiyaa - Adaamatti gaggeeffamuu eegaleera.

Leenjicha kan haasaan banan Ministeera Barnootaatti Daayirektara Leenjiifi Misooma Barsiisotaa Dr. Muluuqan Nigaatuu yoo ta'an, haasawa taasisaniin leenjiin har'a eegalamu kun leenjii kanaan dura kennamaa ture irraa adda ta'uu himuun, kanaan dura leenjii n kennamaa ture qulqullina barnootaa fooyyessuuf dandeettii haggansaafi barsiisotaa sagantaa dheeraafi gabaabaan kennaa kana turan yoo ta'u, kan har'aa kun immoo, hoggantoota MBfi Barsiisota MB Godinaalee sababa nageenyaatiin rakkoo keessa jiraataa dhaloota qaraniif cimina xiin-sammuufi tasgabbii irratti leenjiifi muuxannoo akka argatan gchuuf ta'uu, leenjitootaaf dinqisiifannaa qaban ibsuun leenjichi ifaan ifatti banamuu ibsaniiru.

Hogganaan Biiroo Barnootaa Oromiyaa Dr. Tolaa Bariisoo leenjitootaan "Baga Gara Giddu Gala Leenjichaa Nagaan Dhuftan!" jechuun simannaa erga taasisanii booda, leenjitootni rakkoo nageenyaafi rakkoo haala qilleensaa dandamatanii manneen barnootaa hogganuufi barsiisuun dhalootaa ceesisuuf aarsaa kafalan kan dinqisiifatan yoo ta'u, haala mijaawaa otuu hin eegin yerootti fayyadamuun adeemsi baruu barsiisuu akka hin gufanne kutannoon hojjachuun isaanii kabajaafi quuqama lammiif qaban agarsiisa jedhaniiru.
Leenjiin har'a jalqabu kunis, Godinaalee filataman keessatti, barattootni keenya tasgabbii sammuu, walitti dhufeenya hawaasa MBfi hawaasa naannawa MBtti argaman fayya qabeessa akka ta'u, barattoota miidhaan maatiifi hawaasaa isaan qunname xiin-sammuun isaanii akka hin miidhamne itti dhihaachuun jajjabeessuufi sirreessuf kan gargaaru waan ta'eef leenjicha yaadaafi qalbiin akka hordofan dhaamsa dabarsaniiru.

Qulqullinni barnootaa adeemsaan kan mirkanaa'u yoo ta'u, tasgabbiin sammuu barattootaafi barsiisaa hundaa ol murteessaa ta'uu kan ibsan I/A hog. BBO Dr. Bultoosaa Hirkoo yoo ta'an, dura bu'ootnifi I/A Manneen Barnootaa har'a leenjii eegalan kun barattoota keenya sammuu tasgabbaa'aa ta'een barnoota isaanii akka hordofan gochuu irratti ammasa gaheen isaanii olaanaa ta'uu ibsaniiru.

Leenjicha kan kennan ogeessota barnootaafi barsiisota Yunivarsiitii Arsii, Haramayaa, Amboo irraa walitti babahaniin kan kenamu ta'uu qindeessaan leenjichaa obbo Shamsaddiin Ibraahim himaniiru.

Dhumarratti, Leenjitootni garee gareen qoodamuun kutaa leenjichaaf qophaa'e keessatti leenjicha guyyaa 3f turu eegalaniiru.

Ogeessotni Barnootaa Biiroo Irraa #Hojii_Supparviizyinii_Marsaa_2ffaa Taasisuuf Bobba'an Hojii Jalqaban
-----------------
BBO- Guraandhala 19/2017 Biiroon Barnootaa Oromiyaa qulqullina barnootaa mirkaneessuuf hojii gurguddoowwan hojjachaa jiru keessaa tokko ogeessota barnootaa BBO keessa jiran gara Godinaalee bobbaasuun, ogeessota barnootaa Waajjira Barnootaa Godinaalee/Magaalotaafi Aanaalee waliin qindaa'anii supparviizyinii barnootaa hanga daree barnootaatti hordoffiifi deeggarsa ogummaa taasisuudha.

Haaluma kanaan hordoffiifi deeggarsa ogummaa(supparviizyinii barnootaa) marsaa 2ffaa gaggeessuuf ogeeessotni biiroo irraa bobba'an oggeessota barnootaa Waajjira Barnootaa Godinaa, Magaalaafi Gumii Tiraansifoormeeshinii Barnootaaf(GTB) adeemsa hojii supparviizyinichaa irratti ibsa(orientation) kennuun garaAanaaleetti bobba'uu jalqabaniiru.
Ogeessota barnootaa sadarkaan jiraniif ibsi hubannoo kan kennamu 17-23/06/ 2017tti akkuma haalli mijatetti kan itti deemamu yoo ta'u, Godinootnifi Magaalotni hojii jalqabaniifi ragaa arganne keessaa;
#Godina Gujii,
#Godina Shawaa Bahaa,
#Godina Arsii,
#Godina Jimmaa,
#Godina Shawaa K/Lixaa,
#Godina Wallaggaa Lixaa,
#Godina Booranaa fa'a yoo ta'an godinaaleefi magaalota hafanittis hojii kan itti fufe ta'uun himamaa jira.
Walumaa galaatti, supparviizyiniin barnootaa marsaa 2ffaa kun, akkuma, marsaa 1ffaa, #kaayyoon_isaa Manneen Barnootaa #hordofuu_deeggarsa_ogummaa_kennuu_bakka_barbaachisaa ta'etti #tarkaanfii_sirreeffamaa fudhachuun rakkoo hiikuudha.

Kanaafuu, hojiin supparviizyinii barnootaa marsaa 2ffaa akka galma gahu hawaasni MB, haawaasni naannawa MB jiran, #keessattuu_barsiisaan_maatiin_barataafi_barattootni akkuma kanaan duraa gaheen keessan olaanaa ta'uu qaba kan jedhu dhaamsa biiroo keenyaati.

Barsiisota #Barnoota_Hojiifi_Gochaa Barsiisaniif #Mala_Baruu_Barsiisuu Irratti Leenjiin Kennamuu Eegale.
-------------
BBO- Guraandhala 16/2017 Sirna Barnootaa biyya keenyaa keessatti yeroo jalqabaatiif barattoota kutaa 12ffaa xumuranii Yunivarsiitii galuu hin dandeenyeef carraa ogummaan hojjatanii jiraachuu kan uume barnoota Hojiifi Gachaa bocamuufi hojiirra ooluusaati.

Barnootni Hojiifi Gochaa xumura kutaa 12ffaa booda gulantaa (level) adda addaa kan qabu yoo ta'u, barnoota isaa itti fufuu kan barbaade gulantaalee jiran xumuuruun ogummaan sadarkaa olaanaa irra gahuu kan danda'uudha.
Barnootni Hojiifi Gochaa bara 2017 irraa jalqabee 11ffaa -12ffaatti hojiirra kan ooluu yoo ta'u, bara kana kutaa 11ffaa irraa jalqabameera.
Barnootni Hojiifi Gochaa yeroo ammaa Saayinsii Umamaa jalatti damee 6, Saayinsii Hawaasaa jalattis haaluma walfakkaatuun damee 6 akka qabu beekameera

Leenjiin Mala Baruu Barsiisuu Barnoota Hojiifi Gochaa barsiisan MB Sad. 2ffaa Oromiyaa irraa walitti babahan marsaa lammaffaa 772 guyyaa shaniif gaggeeffamu har'a Giddu Gala Qorannoofi Leenjii Barnootaa Oromiyaa -Adaamatti eegaleera.

Leenjichi mala baruu barsiisuu barsiisota barnoota Hojiifi Gochaa barsiisaniif kennamu kun marsaa tokkoffaa barsiisota 903 kennamee kan ture yoo ta'u, mata duree leenjichi irratti kennamus;
1-Curriculum concept & Foundations
2-Quality Teaching & Active Learning
3-Diverse Learners & Claasroom Mgt.
4- Assessment & Planing
5-Student Well-being & Closure yoo ta'u, leenjichi kan kennamus hayyoota Yunivarsiitii Arsiifi ogeeyyota olaanoo BBOtiin ta'uun beekameera.

Waltajjii leenchichaa hasawaan kan banan hogganaa BBO Dr. Tolaa Bariisoo yoo ta'an, haasaa taasisan keessatti kaayyoofi barbaachisummaa leenjichaa erga ibsanii booda leenjitootaaf dhimma sadi irratti yaboo ('adaraa') dhaamanii jiru.
1- Ogummaa qabdan lammii keessaniif gahumsaan qoodaa,
2- Jaalala ummata keessanii qabaadhaa
3- Hojii ogummaa barsiisummaa kabajsiisu hojjadhaa jechuun yaboo('adaraa') jechuun leenjichi banamuusaa addeessaniiru.
Dhumarratti, Daayirektarri Daayirektoreetii MB Sadarkaa 2ffaa Doktora kaadhimamaa Mangistuu Lataa leenjitoota gara daree leenjiitti qoqqooduuf rabsuun leenjichi haala mijawaa ta'een eegalsiisaniiru.

#YAADACHIISA

#Barattoota_Qormaata_Biyyoolessaa_Kutaa_12ffaa Bara 2017 Fudhachuuf Qophaa'aa Jiran Hundaaf
-------------
BBO- Guraandhala 12/2017 Qormaatni biyyoolessaa kutaa 12ffaa bara 2017 kan qophaa'u; -Kitaaba Kutaa 11ffaafi 12ffaa #Sirna_Barnootaa_Haaraa keessaa yoo ta'u,
- Kutaa 9ffaafi 10ffaa #Sirna_Barnootaa_Moofaa keessaafi #Barnootni_Ikoonomiksii immoo Sirna Barnootaa Haaraa Kutaa 11ffaafi 12ffaa keessaa qofa qormaatni kan qophaa'u ta'uun hubatameera.
Dabalataanis, barattootni kutaa 10ffaatti sirna barnootaa haaraan baratanii turan gaaffii sirna barnootaa lamaanuu keessa jiru irraa waan qophaa'uuf garagarummaan hin uumamu.
Kanaafuu, Barattootni keenya haala ibsame kanarratti hundaa'uun akka qophooftan isin yaadachiifna.

Barsiisotniifi maatiin barattootaas deeggarsa barattoota keenyaaf taasisaa jirtan kanaan akka itti fuftan kan jedhu dhaamsa biiroo keenyaati.

Walumaa galatti, #Qormaatni_Kan_Qophaa'u #Sirna_Barnootaa_Barataa_turtaniifi_jirtan keessaa ta'uusaa mirkanaa'eera.
Waan hin baranne hin qoramtan, kanaafuu, kan barattan irratti qophaa'aa!

CARRAA GAARII !

✅ @BirooBarnotaaOromiya
✅ @BirooBarnotaaOromiya

✅ Qormaatni_Naannoo kutaa 6ffaa waxabajjii 04-06/2017.


✅ Qormaatni_Naannoo kutaa 8ffaa Waxabajjii 09-13/2017tti ni kennama jedhamee kan eegamu yoo ta'u,

✅ Qormaatni_biyyoolessaa kutaa 12ffaa immoo, Akka Ejensiin Qormaataafi Iyyaafannoo Biyyoolessaa beeksisu irratti kan hundaa'u ta'a.

🔔 Jebadhaa Isiin Waliin Jirraa....

🗯 Gaffiwwan Shakalaa Adda Argachufii Channel Kenyaa Join Jechuu Akaa Hin Daganee

✅ @BirooBarnotaaOromiya
✅ @BirooBarnotaaOromiya

⚡️ Try This Bot
@ExitExamResult2025Bot
@ExitExamResult2025Bot
@ExitExamResult2025Bot
👉👉👉👉👉👉

⚡️Share ⚡️Share ⚡️Share