រាល់សមិទ្ធផលធំៗ មិនដែលកើតពីការខិតខំតែម្តង ហើយចប់ទៅវិញនោះទេ។ វាកើតឡើងពីការដុសខាត់សកម្មភាពតូចៗម្តងបន្តិចៗជារៀងរាល់ថ្ងៃ។ ទម្លាប់នៃការអាន ការហាត់ប្រាណ៣០នាទីរាល់ថ្ងៃ ការរៀនជំនាញថ្មីៗ ឬការកែប្រែទម្លាប់មិនល្អណាមួយដែលយើងមិនទាន់ធ្វើបានល្អ។ ទោះមើលទៅ វាហាក់ដូចជាសកម្មភាពតូចៗក៏ពិតមែន តែសកម្មភាពទាំងនេះ ទម្លាប់ទាំងនេះនឹងនាំការផ្លាស់ប្តូរដល់យើង នាំលទ្ធផលធំនៅថ្ងៃអនាគតដល់យើងទៅថ្ងៃក្រោយ។

កុំរង់ចាំទាល់តែគ្រប់យ៉ាងល្អឥតខ្ចោះ ទាល់តែពេលវេលាសាកសមទើបចាប់ផ្តើម ត្រូវចាប់ផ្តើមពីឥឡូវនេះ ផ្តើមពីខ្លួនឯង ចាប់ផ្តើមពីកិច្ចការតូចៗ ម្តងមួយជំហានៗ ប្រកបដោយវិន័យ និងភាពជាប់លាប់ ហើយកែលម្អទម្លាប់តូចៗប្រចាំថ្ងៃនោះពីមួយថ្ងៃទៅមួយថ្ងៃ នោះអ្នកនឹងមានអារម្មណ៍ថា ខ្លួនឯងប្លែកជាងមុន ប្រសើរជាងមុន ហើយប្រាកដណាស់ អ្នកនឹងអាចសម្រេចបាននូវសមិទ្ធផលធំជាងមុន ច្រើនជាងមុនទ្វេរដង៕