Bot Updates Channel (Msone Bot)

എംസോൺ റിലീസ് – 3436

Kingdom of the Planet of the Apes (2024)
കിങ്‌ഡം ഓഫ് ദ പ്ലാനറ്റ് ഓഫ് ദ ഏപ്പ്സ് (2024)

IMDb ⭐️ 6.9/10

• ഭാഷ : #English
• സംവിധാനം : Wes Ball
• പരിഭാഷ : ഗിരി പി. എസ്.
• പോസ്റ്റർ : ഉണ്ണി ജയേഷ്
• ജോണർ : #Adventure #Sci_Fi #Action #Thriller

2011 ൽ ആരംഭിച്ച പ്ലാനറ്റ് ഓഫ് ദി ഏപ്സ് റിബൂട്ട് സീരീസിലെ അവസാന ഭാഗമായി വെസ് ബോളിന്റെ സംവിധാനത്തിൽ 2024-യിൽ പുറത്തുവന്ന ചിത്രമാണ് “കിങ്ഡം ഓഫ് ദ പ്ലാനറ്റ് ഓഫ് ദ ഏപ്സ്“

സീസറിന്റെ മരണ ശേഷം തലമുറകൾക്ക് അപ്പുറമുള്ള ലോകത്തെ കാണിച്ചു കൊണ്ടാണ് ചിത്രത്തിന്റെ ആരംഭം. ഏപ്പുകൾ സംസാര ശേഷിയും ബുദ്ധിയും നേടുകയും മനുഷ്യന് അത്തരം കഴിവുകൾ നഷ്ടപ്പെടുകയും ചെയ്യുന്ന സാഹചര്യത്തിൽ അവശേഷിക്കുന്ന മനുഷ്യർ ഏപ്പുകളെ ഭയന്ന് കഴിയുകയാണ്. ആ ലോകത്ത് മനുഷ്യരുമായി ഒട്ടും സഹവാസമില്ലാതെ പോകുന്ന നോഹയെന്ന ഏപ്പാണ് ചിത്രത്തിലെ നായകൻ. നോഹയുടെ കൂട്ടത്തിന് ഒരു ആപത്ത് വരുകയും അതിനെ അതിജീവിക്കാനുള്ള നോഹയുടെ ശ്രമവും അതിനിടയിൽ നോഹയുടെ ജീവിതത്തിലേക്ക് കടന്ന് വരുന്ന മേയെന്ന പെൺകുട്ടിയും ശേഷമുണ്ടാകുന്ന സംഭവങ്ങളുമാണ് ചിത്രം.

എംസോൺ റിലീസ് – 3435

28 Days Later (2002)
28 ഡേയ്സ് ലേറ്റർ (2002)

IMDb ⭐️ 7.5/10

• ഭാഷ : #English
• സംവിധാനം : Danny Boyle
• പരിഭാഷ : വിഷ്ണു പ്രസാദ്
• പോസ്റ്റർ : നിഷാദ് ജെ എന്‍
• ജോണർ : #Drama #Horror #Sci_Fi

Login is required to access this page
ലണ്ടനിലെ ഒരു ലാബിൽ നിന്ന് ‘റേജ്’ എന്ന വൈറസ് പുറത്തുവരുന്നതോടെയാണ് കഥ ആരംഭിക്കുന്നത്. ഈ വൈറസ് മനുഷ്യരെ അതിക്രൂരരായ, രക്തദാഹികളായ ജീവികളാക്കി മാറ്റുന്നു. ജിം എന്ന സൈക്കിൾ കൊറിയറുകാരൻ ഒരു ആശുപത്രിയിൽ കോമയിലാണ്. അവൻ ഉണരുമ്പോൾ “28 ദിവസങ്ങൾക്ക് ശേഷം” ലണ്ടൻ നഗരം പൂർണമായും ശൂന്യമാണ്.

ആരെയും കാണാതെ ജിം നഗരത്തിലൂടെ അലയുമ്പോൾ സെലീന എന്ന യുവതിയെയും മാർക്ക് എന്നയാളെയും കണ്ടുമുട്ടുന്നു. ഇവർ മൂവരും ചേർന്ന് രോഗബാധിതരിൽ നിന്ന് രക്ഷപ്പെടാൻ ശ്രമിക്കുന്നതു അതിനിടയിൽ ഇവർക്ക് സംഭവിക്കുന്ന കാര്യങ്ങളുമാണ് ബാക്കി കഥ.

എംസോൺ റിലീസ് – 3434

Paprika (1991)
പപ്രിക്ക (1991)

IMDb ⭐️ 5.5/10

• ഭാഷ : #Italian
• സംവിധാനം : Tinto Brass
• പരിഭാഷ : അഷ്‌കർ ഹൈദർ
• പോസ്റ്റർ : അഷ്‌കർ ഹൈദർ
• ജോണർ : #Drama

യുവതിയും സുന്ദരിയുമായ മിമാ, ഭാവി വരന്റെ താല്പര്യപ്രകാരം കൊച്ചു ഗ്രാമം വിട്ടു പട്ടണത്തിൽ എത്തുന്നു. അയാൾക്ക് സ്വന്തമായി ബിസിനസ് തുടങ്ങുന്നതിനുള്ള പണം സമ്പാദിക്കാൻ നിർബന്ധപൂർവ്വം അവളെ ഒരു വേശ്യാലയത്തിൽ കൊണ്ടുപോയി ആക്കുന്നു. അവിടെ നിന്ന് അവൾക്ക് കിട്ടിയ പേരാണ് “പപ്രിക്ക“. അവിടെ നിന്ന് പപ്രിക്കയുടെ പുതിയ ജീവിതം ആരംഭിക്കുകയാണ്.

⚠️ 🔞 എറോട്ടിക് സിനിമ ആയതിനാൽ, പ്രായ പൂർത്തി ആയവർ മാത്രം കാണുക.

എംസോൺ റിലീസ് – 3433

Anora (2024)
അനോറ (2024)

IMDb ⭐️ 7.9/10

• ഭാഷ : #English & #Russian
• സംവിധാനം : Sean Baker
• പരിഭാഷ : എല്‍വിന്‍ ജോണ്‍ പോള്‍ & മുജീബ് സി പി വൈ
• പോസ്റ്റർ : അഷ്‌കർ ഹൈദർ
• ജോണർ : #Comedy #Drama #Romance

ഷോൺ ബേക്കറിന്റെ സംവിധാനത്തിൽ 2024-ൽ പുറത്തിറങ്ങിയ കോമഡി-ഡ്രാമ ചിത്രമാണ് അനോറ.

അമേരിക്കയിലെ ഒരു ഡാൻസ് ബാറിൽ ജോലി ചെയ്യുകയാണ് അനോറ എന്ന ആനി. റഷ്യയിലെ അതിസമ്പന്നനും പ്രഭുവുമായ ഒരാളുടെ പക്വതയും ഉത്തരവാദിത്തവുമില്ലാത്ത മകനായ ഇവാൻ അവിടേക്ക് അവധിക്കാലമാഘോഷിക്കാനെത്തുന്നു. ആനിയിൽ ആകൃഷ്ടനായ ഇവാൻ ഒരാഴ്ച അവളുമായി ചിലവിടുന്നു. അളവില്ലാത്ത പണത്തിന്റെ ബലത്തിൽ അവർ കൂട്ടുകാരുമൊത്ത് അർമാദിക്കുന്നു. പിന്നീട് ഇവർ വേഗസിൽ വെച്ച് വിവാഹിതരാവുകയും ചെയ്യുന്നു. ഈ വിവരമറിഞ്ഞ റഷ്യൻ മാതാപിതാക്കൾ അവരുടെ വിവാഹം റദ്ദാക്കാനായി തങ്ങളുടെ ആളുകളെ ഇവരുടെ അടുക്കലേക്കയക്കുന്നു.

അതിന് ശേഷം ഒരു പ്രിയദർശൻ സിനിമ പോലെ കോമഡി ട്രാക്കിലേക്ക് മാറുകയാണ് ചിത്രം. കോമഡിയിലൂടെ മുന്നോട്ട് നീങ്ങുന്ന ചിത്രം പ്രസക്തമായ വിഷയം കൈകാര്യം ചെയ്താണ് അവസാനിക്കുന്നത്.

ചിത്രം 2024-ലേ കാൻസ് ഫിലിം ഫെസ്റ്റിവലിൽ “പാം ഡോ” അവാർഡ് നേടുകയുണ്ടായി.

⚠️ 🔞 ധാരാളം നഗ്നരംഗങ്ങൾ, തെറിയുടെ അതിപ്രസരം, മയക്കുമരുന്നു ഉപയോഗിക്കുന്ന രംഗങ്ങൾ തുടങ്ങിയവ ഉള്ള കൊണ്ട് പ്രായപൂർത്തിയായവർ മാത്രം ചിത്രം കാണുക.

എംസോൺ റിലീസ് – 3432

Once Upon a Small Town (2022)
വൺസ് അപ്പോൺ എ സ്‌മോൾ ടൗൺ (2022)

IMDb ⭐️ 7.1/10

• ഭാഷ : #Korean
• സംവിധാനം : Kwon Seok-jang
• പരിഭാഷ : സജിത്ത് ടി. എസ്
• പോസ്റ്റർ : പ്രവീൺ അടൂർ
• ജോണർ : #Drama #Comedy #Romance

ഒരു മൃഗഡോക്ടറാണ് Han Ji-Yul. ചെറുപ്പത്തിൽ അച്ഛനും അമ്മയും മരിച്ച അവനെ വളർത്തിയത് അപ്പൂപ്പനും അമ്മൂമ്മയുമാണ്. സോളിലെ ഒരു വെറ്റിനറി ക്ലിനിക്കിലാണ് Ji-Yul ഇപ്പോൾ ജോലി ചെയ്യുന്നത്.

അങ്ങനെ ഒരു ദിവസം, നാട്ടിലുള്ള അപ്പൂപ്പന്റെ മൃഗാശുപത്രിയിലെ നേഴ്സ് വേഗം അവിടേക്ക് ചെല്ലാനായി പറയുന്നു. അപ്പൂപ്പന് എന്തേലും സംഭവിച്ചെന്ന് കരുതി അവിടേക്ക് എത്തിയ അവനോട് അപ്പൂപ്പൻ ഫോണിൽ വിളിച്ച് ഒന്നും പറ്റിയിട്ടില്ലെന്നും, അപ്പൂപ്പനും അമ്മൂമ്മയും ക്രൂസ് യാത്രയ്ക്ക് പോകുന്നത് കൊണ്ട്, അവർ തിരികെ വരുന്നത് വരെ അവിടുത്തെ മൃഗാശുപത്രി നോക്കാനും പറയുന്നു. സോളിൽ (Seoul) വളർത്തു മൃഗങ്ങളെ മാത്രം ചികിത്സിച്ചിരുന്ന അവന് അവിടെ എത്തുമ്പോൾ കന്നുകാലികളെക്കൂടി ചികിത്സിക്കേണ്ടതായി വരുന്നു. ഗ്രാമത്തിലെ ആളുകളുടെ അമിത സൗഹൃദത്തോടെയുള്ള പെരുമാറ്റവും അവന് ഇഷ്ടമാകുന്നില്ല, ഒപ്പം അവന്റെ കാര്യങ്ങളിൽ തലയിടാൻ വരുന്ന പോലീസായ ഒരു പെണ്ണും. എങ്കിലും അപ്പൂപ്പൻ വരുന്നത് വരെ അവൻ തന്നാലാവും വിധം അവിടെ പിടിച്ചു നിൽക്കാൻ ശ്രമിക്കുന്നു.

ഫീൽ ഗുഡ് സീരീസ് അന്വേഷിച്ചു നടക്കുന്നവർക്ക് ഗ്രാമീണ ഭംഗിയും പച്ചപ്പും നിറഞ്ഞ ഈ സീരീസ് തീർച്ചയായും ഇഷ്ടമാകും.

സീരിസിലെ പ്രധാന ആകർഷണം എന്നത് Red Velvet എന്ന K-Pop ഗ്രൂപ്പിലെ മെമ്പറായ Joy (Park Soo-Young) ആണ്. Choo Young-Woo, Baek Seong-Cheol എന്നിവരും ഇതിൽ പ്രധാന കഥാപാത്രങ്ങളായി എത്തുന്നു.

എംസോൺ റിലീസ് – 3431

Conclave (2024)
കോൺക്ലേവ് (2024)

IMDb ⭐️ 7.4/10

• ഭാഷ : #English
• സംവിധാനം : Edward Berger
• പരിഭാഷ : എല്‍വിന്‍ ജോണ്‍ പോള്‍
• പോസ്റ്റർ : അഷ്‌കർ ഹൈദർ
• ജോണർ : #Drama #Mystery #Thriller

2016-ല്‍ പുറത്തിറങ്ങിയ അതേ പേരിലുള്ള റോബര്‍ട്ട് ഹാരിസ് നോവലിനെ അടിസ്ഥാനമാക്കി ജര്‍മ്മന്‍ സംവിധായകന്‍ എഡ്‌വേര്‍ഡ്‌ ബെര്‍ഗര്‍ (ഓള്‍ ക്വയറ്റ് ഓണ്‍ ദ വെസ്റ്റേണ്‍ ഫ്രന്റ്‌) സംവിധാനം ചെയ്തു 2024-ല്‍ പുറത്തിറങ്ങിയ മിസ്റ്ററി ത്രില്ലര്‍ ചിത്രമാണ് “കോണ്‍ക്ലേവ്“.

നിലവിലെ മാര്‍പ്പാപ്പ ഹൃദയാഘാതം മൂലം മരിച്ചതിനെ തുടര്‍ന്ന് പുതിയ മാര്‍പ്പാപ്പയെ തിരഞ്ഞെടുക്കാനായി കര്‍ദ്ദിനാള്‍ സംഘത്തിന്റെ കോണ്‍ക്ലേവ് വിളിച്ചുകൂട്ടുന്നു. കര്‍ദ്ദിനാള്‍ സംഘത്തിന്റെ തലവനും, കോണ്‍ക്ലേവിന്റെ മേല്‍നോട്ടവും വഹിക്കുന്നത് കര്‍ദ്ദിനാള്‍ തോമസ്‌ ലോറന്‍സാണ്. കോണ്‍ക്ലേവ് മുന്നോട്ട് പോകുന്തോറും കോണ്‍ക്ലേവിന് വന്ന പല കര്‍ദ്ദിനാള്‍മാരെയും കുറിച്ചുള്ള രഹസ്യങ്ങളുടെ ചുരുളഴിയപ്പെടുന്നു.

എംസോൺ റിലീസ് – 3430

Squid Game Season 02 (2024)
സ്ക്വിഡ് ഗെയിം സീസൺ 02 (2024)

IMDb ⭐️ 8.0/10

• ഭാഷ : #Korean
• സംവിധാനം : Hwang Dong-hyuk
• പരിഭാഷ : ഹബീബ് ഏന്തയാർ
• പോസ്റ്റർ : പ്രവീൺ അടൂർ
• ജോണർ : #Thriller #Survival #Action

456 മത്സരാർത്ഥികൾ!
4560 കോടി സമ്മാനം!
തോറ്റാലോ, നിരസിച്ചാലോ പകരം നൽകേണ്ടി വരിക സ്വന്തം ജീവൻ!

പ്രശസ്ത ജാപ്പനീസ് സീരീസായ ആലീസ് ഇൻ ബോർഡർലാന്റിന് ശേഷം അതേ ഗെയിം ത്രില്ലിംഗ് എഫക്ടിൽ 2021 ൽ നെറ്റ്ഫ്ലിക്സിലൂടെ പുറത്തിറങ്ങിയ ബ്രഹ്മാണ്ഡ കൊറിയൻ സീരീസായ സ്ക്വിഡ് ഗെയിമിൻ്റെ രണ്ടാം ഭാഗമാണിത്. ഒന്നാം ഭാഗം അവസാനിച്ചതിനുശേഷം നടക്കുന്ന കഥയാണ് സീസൺ 2 പറയുന്നത്.

ഗെയിം അവസാനിച്ചിട്ട് രണ്ടുവർഷത്തിന് ശേഷം, ഇത്തവണ ഗെയിം വീണ്ടും ആരംഭിക്കുകയാണ്. എന്നാൽ ഇതൊരു വെല്ലുവിളിയായി മാറിയിരിക്കുകയാണ്. ഗെയിം ജയിച്ചു പണവുമായി പോയ നായകൻ ഒരിക്കലും സന്തോഷവാനായിരുന്നില്ല. ഉറക്കമില്ലാത്ത രാത്രികളായിരുന്നു അയാൾക്ക്. അതിനാൽ, ചോര കണ്ട് അറപ്പ് മാറിയ ഒരുകൂട്ടം ഭ്രാന്തന്മാരുടെ കളി അയാൾ അവസാനിപ്പിക്കാൻ പോവുകയാണ്. ഗെയിമിനകത്ത് കയറിക്കൂടിയതിനുശേഷം നടക്കുന്ന സംഭവങ്ങളും, പുറത്ത് തൻ്റെ ആളുകൾ ഗെയിം അരീന കണ്ടെത്താൻ നടത്തുന്ന ശ്രമവുമാണ് ഈ സീസൺ പറഞ്ഞു പോകുന്നത്.

രണ്ടു ഭാഗമായി ഇറങ്ങുന്ന ഈ കഥാഭാഗത്തിന്റെ ആദ്യത്തെ ഏഴു എപ്പിസോഡുകളാണ് നെറ്റ്ഫ്ലിക്സ് ഇപ്പോൾ പുറത്തുവിട്ടിരിക്കുന്നത്. കഥയുടെ ചടുലത ഒരു നിമിഷം പോലും കൈവിടാത്ത തരത്തിലുള്ള മേക്കിംഗ്, മികച്ച അഭിനയ മുഹൂർത്തങ്ങൾ, പ്രേക്ഷകരെ ഞെട്ടിക്കുന്ന ട്വിസ്റ്റുകൾ, സീറ്റ് എഡ്ജ് ത്രില്ലർ സാഹചര്യങ്ങൾ, എല്ലാം കൊണ്ടും ത്രില്ലർ, ഗെയിം പ്രേമികൾ ഒരിക്കലും മിസ് ആക്കാൻ പാടില്ലാത്ത ഒരു സീരിസാണ് ” സ്ക്വിഡ് ഗെയിം“.

എംസോൺ റിലീസ് – 3420

Dune: Prophecy (2024)
ഡ്യൂൺ: പ്രൊഫസി (2024)

IMDb ⭐️ 7.5/10

• ഭാഷ : #English
• സംവിധാനം : Anna Foerster, John Cameron, Richard J. Lewis
• പരിഭാഷ : ഹബീബ് ഏന്തയാർ
• പോസ്റ്റർ : പ്രവീൺ അടൂർ
• ജോണർ : #Action #Sci_Fi #Adventure #Drama

1965-ൽ ഫ്രാങ്ക് ഹെർബർട്ട് എഴുതിയ ഡ്യൂൺ യൂണിവേഴ്സിനെ ആസ്‌പദമാക്കി 2012-ൽ മകൻ ബ്രയാൻ ഹെർബർട്ടും, കെവിൻ ആൻ്റേഴ്സണും എഴുതിയ സിസ്റ്റർഹുഡ് ഓഫ് ഡ്യൂൺ എന്ന നോവലിനെ ആസ്പദമാക്കി HBO നിർമ്മിക്കുന്ന സൈ-ഫൈ, ആക്ഷൻ, അഡ്വഞ്ചർ സീരീസാണ് ഡ്യൂൺ: പ്രൊഫസി.‍
‍
അരാക്കിസ് എന്ന മരുഭൂമി ഗ്രഹവും, ആ ഗ്രഹത്തെ ചുറ്റിപ്പറ്റി നടക്കുന്ന രാഷ്ട്രീയവുമാണ് നമ്മൾ ഡ്യൂണിൽ കണ്ടത്. എന്നാലിത് പോൾ അട്രൈഡീസ് ജനിക്കുന്നതിനും പതിനായിരം വർഷങ്ങൾക്ക് മുമ്പ്, ഗ്രേറ്റ് മെഷീൻ യുദ്ധങ്ങൾ അവസാനിച്ച് 100 വർഷങ്ങൾക്ക് ശേഷം റെക്വെല്ല ബെർതോ അനിരുൾ എന്നൊരു സ്ത്രീ, സിസ്റ്റർഹുഡ് (ബെനി ജെസരിറ്റ്) എന്നൊരു സംരഭം തുടങ്ങുന്നതിൽ നിന്നാണ് പറയുന്നത്. അതിനു പിന്നിൽ വലിയൊരു പദ്ധതി ഒളിഞ്ഞിരിപ്പുണ്ടായിരുന്നു. അവരുടെ കാലശേഷം സിസ്റ്റർഹുഡിൻ്റെ തലപ്പത്ത് വരുന്ന ഹാർക്കോനൻ സഹോദരികളായ വാല്യയും ട്യൂലയിലൂടെയുമാണ് പിന്നീട് സീരീസ് മുന്നോട്ട് പോകുന്നത്. ഇംപീരിയത്തിലെ പ്രശ്നങ്ങളും, അരാക്കിസിലെ ഫ്രമൻ യുദ്ധങ്ങളും, ഹാർക്കോനൻ സഹോദരിമാരുടെ നിഗൂഢ പദ്ധതികളും പറഞ്ഞു തുടങ്ങിയാണ് സീരീസ് മുന്നോട്ട് പോകുന്നത്.‍
‍
എമിലി വാട്സൺ, ഒലിവിയ വില്യംസ്, മാർക് സ്ട്രോങ് കൂടാതെ വൈക്കിങ്സിലൂടെ പ്രശ്സ്തനായ ട്രാവിസ് ഫിമ്മൽ എന്നിവരാണ് പ്രധാന വേഷത്തിലെത്തുന്നത്.

എംസോൺ റിലീസ് – 530

Barfi! (2012)
ബർഫി! (2012)

IMDb ⭐️ 8.1/10

• ഭാഷ : #Hindi
• സംവിധാനം : Anurag Basu
• പരിഭാഷ : വിഷ്ണു പ്രസാദ്
• പോസ്റ്റർ : പ്രവീൺ അടൂർ
• ജോണർ : #Comedy #Drama #Romance

2012-ൽ അനുരാഗ് ബസുവിന്റെ സംവിധാനത്തിൽ പുറത്തിറങ്ങിയ ഒരു ഹിന്ദി റൊമാന്റിക് കോമഡി ചിത്രമാണ് ബർഫി!

ജന്മനാ ബധിരനും മൂകനുമായ ‘ബർഫി’ എന്നാ മർഫി തന്റെ വൈകല്യങ്ങളെ വകവെയ്ക്കാതെ ജീവിതം ആസ്വദിക്കുന്ന ഒരു യുവാവാണ്. ഓട്ടിസം ബാധിച്ച ഝിൽമിൽ പെൺകുട്ടിയുമായുള്ള ബർഫിയുടെ പ്രണയമാണ് സിനിമയിലുടനീളം പറയുന്നത്.

ചാർളി ചാപ്ലിന്റെ സിനിമകളെ അനുസ്മരിപ്പിക്കുന്ന രീതിയിൽ, വാക്കുകളില്ലാതെ തന്നെ വികാരങ്ങൾ പകർന്നു നൽകാൻ ഈ സിനിമയ്ക്ക് കഴിയുന്നുണ്ട്.

എംസോൺ റിലീസ് – 3429

True Lies (1994)
ട്രൂ ലൈസ് (1994)

IMDb ⭐️ 7.3/10

• ഭാഷ : #English
• സംവിധാനം : James Cameron
• പരിഭാഷ : പ്രജുൽ പി
• പോസ്റ്റർ : അഷ്‌കർ ഹൈദർ
• ജോണർ : #Action #Comedy #Thriller

ജെയിംസ് കാമറൂൺ എഴുതി സംവിധാനം ചെയ്‌ത് 1994-ൽ പുറത്തിറങ്ങിയ ഒരു അമേരിക്കൻ ആക്ഷൻ കോമഡി ചിത്രമാണ് ട്രൂ ലൈസ്.

ഹാരി അമേരിക്കൻ രഹസ്യാന്വോഷണ വിഭാഗത്തിലാണ് ജോലി ചെയ്യുന്നത്. പക്ഷേ ഇക്കാര്യം അവൻ്റെ ഭാര്യക്കും മകൾക്കും അറിയില്ല. അവർക്ക് മുൻപിൽ അവൻ ഒരു കമ്പ്യൂട്ടർ സെയിൽസ് റെപ് ആയി അഭിനയിക്കുകയാണ്.

രാജ്യം അക്രമിക്കാനുള്ള തീവ്രവാദികളുടെ പ്ലാൻ മനസ്സിലാക്കുന്ന ഹാരി, അത് തകർക്കാൻ ഉള്ള ദൗത്യത്തിനിടെയാണ് തന്റെ ഭാര്യക്ക് മറ്റൊരാളുമായി ഒരു രഹസ്യ ബന്ധം ഉണ്ടെന്നറിയുന്നത്. ഭാര്യയേയും രഹസ്യക്കാരനെയും കയ്യോടെ പിടികൂടാൻ പോയ തൻ്റെ പിന്നാലെ ഒരുകൂട്ടം തീവ്രവാദികൾ ഉണ്ടെന്ന് അവൻ അറിഞ്ഞിരുന്നില്ല.

ഏജൻ്റായ ഹാരി ടാസ്‌കറായി അർണോൾഡ് ഷ്വാര്‍സ്നെഗർ അഭിനയിക്കുന്നു. ആക്ഷനും കോമഡിക്കും ഒരുപോലെ പ്രാധാന്യമുള്ള ഈ ചിത്രം 1994-ലെ ഏറ്റവും കൂടുതൽ കളക്ഷൻ നേടിയ മൂന്നാമത്തെ ചിത്രമാണ്.