Msone Official

2025 ൽ നെറ്റ്‌ഫ്ലിക്സിൽ പുറത്തിറങ്ങിയ മിനി സീരിസ് ആണ് അഡൊളസെൻസ്.
തന്റെ ക്ലാസ്‌മേറ്റിനെ കൊലപ്പെടുത്തി എന്ന സംശയത്താൽ 13 വയസ്സുകാരൻ ജെയ്മിയെ അറസ്റ്റ് ചെയ്യുന്നിടത്താണ് സീരീസ് ആരംഭിക്കുന്നത്. ഒരു ഇൻവെസ്റ്റിഗേഷൻ എന്ന രീതിയിൽ മുന്നോട്ട് പോകുന്ന സീരീസ് കൊലപാതകി ആരാണെന്ന സസ്പെൻസിന് പുറകെയല്ല നീങ്ങുന്നത്, മറിച്ച് അത് ചെയ്തതിനുള്ള കാരണങ്ങൾ തേടിയാണ്.

സോഷ്യൽമീഡിയയുടെ കുത്തൊഴുക്കിൽ കൗമാരക്കാർ അതിനെ എങ്ങനെ ഉപയോഗിക്കുന്നു, ഇൻസെൽ, 80-20 റൂൾ, റെഡ്പിൽ-ബ്ലൂപിൽ, മനോസ്ഫിയർ തുടങ്ങി ജെൻ സി തലമുറയുടെ വാക്കുകളും അവയെങ്ങനെ അവരുടെ സ്ത്രീകളോടുള്ള കാഴ്ചപ്പാടിനെ മാറ്റിമറിക്കുന്നു എന്നും ചർച്ച ചെയ്യുന്ന സീരിസ് മുതിർന്നവർക്ക് ഇക്കാര്യത്തിലുള്ള അജ്ഞതയെയും ചൂണ്ടിക്കാണിക്കുന്നു.

എല്ലാ എപ്പിസോഡുകളും കട്ടുകൾ ഇല്ലാതെ ഒറ്റ ഷോട്ടിൽ എടുത്തിരിക്കുന്നു എന്ന പ്രത്യേകതയും സീരീസിനുണ്ട്. മുഖ്യ കഥാപാത്രമായ കൗമാരക്കാരനെ അവതരിപ്പിച്ച ഓവൻ കൂപ്പറിൻ്റെയും കുട്ടിയുടെ അച്ഛനായി അഭിനയിച്ച സ്റ്റീഫൻ ഗ്രഹാമിൻ്റെയും പ്രകടനങ്ങൾ എടുത്ത് പറയേണ്ടതാണ്.

രക്ഷിതാക്കൾ തീർച്ചയായും കണ്ടിരിക്കേണ്ട ഒരു സീരിസ് ആണിത്.

1990-ൽ പുറത്തിറങ്ങിയ "ഹോം എലോൺ" എന്ന സിനിമയുടെ രണ്ടാം ഭാഗമാണ് ഹോം എലോൺ 2: ലോസ്റ്റ് ഇൻ ന്യൂയോർക്ക്.

കെവിൻ മിക്കാലിസ്റ്റർ എന്ന കുസൃതിക്കാരനായ 10 വയസ്സുകാരനും കുടുംബവും വീണ്ടും ക്രിസ്മസ് വെക്കേഷന് ഒരുങ്ങുകയാണ്. ഇത്തവണ ഫ്ലോറിഡയിലേക്ക് യാത്ര. എന്നാൽ വിമാനത്താവളത്തിൽ വെച്ചുണ്ടാകുന്ന തിരക്കിനിടയിൽ അബദ്ധത്തിൽ കെവിൻ ന്യൂയോർക്കിലേക്കുള്ള വിമാനത്തിൽ കയറിപ്പോകുന്നു. ന്യൂയോർക്കിൽ എത്തിയ ശേഷം അവൻ അച്ഛന്റെ ക്രെഡിറ്റ് കാർഡ് ഉപയോഗിച്ചൊരു ആഡംബര ഹോട്ടലിൽ താമസിച്ച് അടിച്ചുപൊളിക്കാൻ തുടങ്ങി.

അതേസമയം, ആദ്യ ചിത്രത്തിൽ കെവിനുമായി ഏറ്റുമുട്ടിയ കള്ളന്മാരായ ഹാരിയും, മാർവും ജയിൽചാടി ന്യൂയോർക്കിൽ എത്തിയിട്ടുണ്ടായിരുന്നു. തവണ കെവിൻ അവരെ എങ്ങനെ നേരിടുന്നു എന്നതാണ് ബാക്കി കഥ.

ക്രിസ്മസ് അവധിക്ക് കുടുംബത്തോടൊപ്പം പാരീസിലേക്ക് പോകാൻ തയ്യാറെടുക്കുന്ന 8 വയസ്സുകാരനായ കെവിൻ മിക്കാലിസ്റ്റർ വീട്ടിൽ തനിച്ചായിപ്പോകുന്നു. തന്റെ ആഗ്രഹം സാധിച്ചെന്ന സന്തോഷത്തിലായിരുന്നു കെവിൻ. എന്നാൽ പെട്ടെന്ന് തന്നെ വീട് കൊള്ളയടിക്കാനായി രണ്ട് കള്ളന്മാർ വന്നു.

ബുദ്ധിയും വീട്ടുസാമഗ്രികളും ഉപയോഗിച്ച് കെണികളുണ്ടാക്കി കള്ളന്മാരിൽ നിന്ന് തന്റെ വീടിനെ സംരക്ഷിക്കാൻ കെവിൻ ഒരുക്കുന്നു. അതേസമയം, സ്വന്തം മകനെ കണ്ടെത്താനായി അമ്മ കഠിനമായി പരിശ്രമിക്കുകയും ചെയ്യുന്നുണ്ട്.

ആദം ജെ. ഗ്രേവ്സ് തിരക്കഥയും സംവിധാനവും നിർവ്വഹിച്ച് മികച്ച ലൈവ് ആക്ഷൻ ഷോർട്ട് ഫിലിം കാറ്റഗറിയിൽ ഓസ്കാർ നോമിനേഷൻ വരെ ലഭിച്ച, രണ്ട് സഹോദരിമാരുടെ കഥ പറയുന്ന, ഷോർട്ട് ഫിലിമാണ് അനുജ.

തുന്നൽകേന്ദ്രത്തിൽ ജോലി നോക്കുന്ന രണ്ട് അനാഥസഹോദരങ്ങളാണ് പാലക്കും അനുജത്തി അനുജയും. അനുജയുടെ ലോകം തന്നെ പാലക്കായിരുന്നു. ബാലവേലയുടെ തീക്കനലേറ്റ് ജീവിക്കാൻ മറന്ന രണ്ടുപേർ. പഠിക്കാൻ മിടുക്കിയായിട്ടും പഠനമുപേക്ഷിച്ച് സൂചിയുടെ മൂർച്ചയളക്കാൻ വിധിക്കപ്പെട്ട ഒരു പാവം പെൺകുട്ടി പാലക്ക്. അങ്ങനെയിരിക്കെ അനുജയുടെ ജീവിതത്തിലേയ്ക്ക് അപ്രതീക്ഷിതമായൊരു നിമിഷം കടന്നുവരികയാണ്, ഒരു തീരുമാനമെടുക്കാൻ അവൾ നിർബന്ധിതയാകുന്നു. ഒന്നുകിൽ സ്വപ്നം കണ്ടൊരു ലോകത്തേക്ക് ചിറകടിച്ചു പറന്നുയരാം, അങ്ങനെയെങ്കിൽ പാലക്കിൻ്റെ ലോകം നഷ്ടമാകും. അല്ലെങ്കിൽ ശിഷ്ടജീവിതവും കയ്പുനീരീറക്കി കഴിച്ചുകൂട്ടാം. തീരുമാനം അനുജയുടേത് മാത്രമാണ്.

പേഴ്സൺ ഓഫ് ഇന്ററസ്റ്റ് സീസൺ 1 (2011)
പേഴ്സൺ ഓഫ് ഇന്ററസ്റ്റ് സീസൺ 2 (2012)
പേഴ്സൺ ഓഫ് ഇന്ററസ്റ്റ് സീസൺ 3 (2013)
പേഴ്സൺ ഓഫ് ഇന്ററസ്റ്റ് സീസൺ 4 (2014)