Book Paradise Myanmar 📚📚

နိုင်ငံပေါင်း 100 ကျော် server 3200+ ပါတဲ့ Shurfshark Premium VPN ၀ယ်ရင်း Book Paradise VIP Members GP လက်ဆောင်ထည့်ပေးနေပါပြီဗျ။

6 Months - 5000 MMK

Contact - @HtetShineLynn ကို ဆက်သွယ်ပါ။

The Guys of Rangoon 1930 Audio + Book

Get Here 📚

ရွာထဲတွင် လူစင်စစ်က လည်ပတ်နှင့် ချွင်ချွင်ခါနေလျှင် သူဘယ်ဘဝက လူဖြစ်လာသည်ကို လူတိုင်းသိ ပါသည်။

(အိန္ဒိယပုံပြင်တစ်ပုဒ်ကို ကိုးကားပါသည်)

တင်ညွန့်

၂၉.၁၀.၂၀၂၁

ခွေးလည်ပတ်
-------------
ဒေါ်ကြီးစိုး ဈေးကိုလာသည်။ သူနှင့်အတူ ခွေးတစ်ကောင်ပါလာသည်။ ခွေးပုမျိုးလေးဖြစ်ပါသည်။ ဈေးသည်တွေက ပြောကြသည်။

“ကြီးစိုးကချောတယ်တော့”

“ဒေါ်ကြီးစိုးက ခန့်တာပါအေ”

“ဟုတ်တယ်နော် ဒေါ်ကြီးစိုးအလှက နန်းဆန်တာအေ့”

ခွေးကနည်းနည်း သဝန်တိုစိတ်ဝင်လာသည်။ သခင်မနှင့်အတူ ဈေးကိုလာသည်။ သူ့ကို လူတွေကမမြင်။ သခင်မကိုသာ ချီးမွမ်းနေကြသည်။

“ဝုတ် … ဝုတ်”

ခွေးက သူပါမှန်းသိစေလိုသောကြောင့် ဟောင်သည်။ ဒေါ်ကြီးစိုးက

“သားလေး တိတ်တိတ်နေလေ … ဒါဈေးကွယ့်”

“ဝုတ် … ဝုတ်”

ထပ်ဟောင်ပြန်သည်။ ဒေါကြီးစိုးက ထိုအချိန်တွင် တိရစ္ဆာန်အသုံးအဆောင်ပစ္စည်းများ ရောင်းသည့် ဆိုင်ရှေ့ကို ရောက်နေသည်။

“ဒေါ်ဒေါ် ခွေးအတွက် တစ်ခုလောက် ဝယ်ပါဦး”

“ဪ အေး အေး ငါ့ခွေးလေးက ဘာလိုချင်လို့လဲ မသိဘူး ဟောင်နေတာ … ဘာဝယ်ပေးရင်းကောင်း မလဲကွယ်”

“ဒေါ်ဒေါ်ရေ … ဟောဒီမှာ လည်ပတ်လေးတွေ အသစ်ရောက်တယ်။ ချူလုံးလေးလည်းပါတယ်။ လည်ပတ်လေး ဝယ်ဆင်ပေးပါလား”

“ကောင်းသားပဲ … တစ်ခုပေးပါကွယ် … သူနဲ့သင့်တော်တာပေါ့”

ချက်ချင်းပင် ခွေးလည်ပင်း၌ လည်ပတ်ကို တပ်ဆင်လိုက်သည်။ ခွေးက လည်ပတ်လေး တပ်ပေးခြင်း ခံရပြီးနောက် လမ်းလျှောက်တိုင်း တချွင်ချွင်မြည်နေသည်ကို သဘောကျသည်။ ထို့ပြင် ရေအိုင်ထဲက သူ့ပုံကို ပြန်လိုက်သည့်အခါတွင် ပိုပြီး ဘဝင်စိတ်တွေဖြစ်လာသည်။

“အလို ငါလည်ပင်းမှာ ကျောက်စီလည်ပတ်နဲ့ … ချူလုံးတောင်ပါသေး”

ခွေးကို လည်ပင်းတွင် လည်ပတ်တပ်ပေးလိုက်သည့်နေ့ကစပြီး တစ်အိမ်လုံးကို လှည့်ပတ်ဟောင်တော့ သည်။ ကြောင်ကိုလည်းကောင်း၊ နွားကိုလည်းကောင်း၊ ကြက်ကိုလည်းကောင်း၊ ဝက်ကိုလည်းကောင်း၊ ဘဲငန်းတို့ကိုလည်းကောင်း ရန်လိုက်ရှာသည်။

“ဟေ့ … တိရစ္ဆာန်ချင်းအတူတူ ငါ့ကို ဘာမှတ်သလဲ။ လည်ပင်းမှာ ဆွဲထားတာ နှယ်နှယ်ရရမမှတ်နဲ့။ ငါ့လည်ပင်းက လည်ပတ်မျိုး မင်းတို့မှာ ရှိသလား … ဒီလည်ပတ်က ဟောဒီခြံကြီးထဲမှာ မင်းတို့ အားလုံးထက် ငါကပိုမြတ်တယ်ဆိုတာ ပြတာပဲ”

တစ်ခြံလုံးလှည့်ပတ်ကြွားသည်။ ချူသံက ဆူညံနေတော့သည်။ ဦးနွားကြီးက ပြောသည်

“ဟေ့ … လည်ပင်းမှာ ချူဆွဲခံရတာ ဂုဏ်ဆာမနေနဲ့ … လူတွေက နင်ဘယ်မှရှိတယ်ဆိုတာ သတိထား မိအောင် လုပ်ထားတာ”

“ဦးနွား ခင်ဗျားလည်ပင်းက ခလောက်နဲ့ ကျုပ်လည်ပင်းကချူ တူသလား … ခက်ပါတယ် … ဒီခြံထဲက တိရစ္ဆာန်တွေနဲ့နေရတာ … မတူမတန်”

ခွေးက ခွေးတိုးပေါက်ကတစ်ဆင့်ထွက်ကာ လမ်းပေါ်ကို တစ်ကောင်တည်းရောက်လာသည်။

ရွာလယ်ရေတွင်းတွင် လုံမေများ ရေခပ်နေကြသည်။

“ချွင် … ချွင် … ချွင်”

ယခုတော့ ခွေးမှန်းသိအောင် မဟောင်တော့။ ချူရေးပြကာ အသံပေးသည်။ ကောင်မလေးတွေက

“တယ် … ဒီခွေးဆိုကာ” ရေနှင့်ပက်သဖြင့် ပြေးရပြန်သည်။

လက်ဖက်ရည်ဆိုင်ရှေ့ရောက်လာသည်။ ဘောလုံးပွဲကြည့်နေကြသည်။ ခွေးက တချွင်ချွင်ဖြင့် လူတွေထဲ ဝင်တိုးကာကြည့်သည်။ သူ့ကိုယ်သူ လူဟု ထင်နေပုံပေါ်သည်။

ကောင်လေးတစ်ယောက်က

“ဟာ လက်ဖက်ရည်ဆိုင်ဆိုတာ နင့်နေရာလား” ဆိုကာ ရေနွေးပူနှင့်ပက်သည်။
ထို့ကြောင့် ပြေးရပြန်သည်။

လူစုလူဝေးရှိသည့်နေရာတိုင်းကို သူသွားသည်။ သူ့ကို လူတွေက အထင်ကြီးလေးစားကာ သူ့သခင်လို ချီးမွမ်းမည်ဟုလည်း ထင်သည်။ ထို့ကြောင့် ချူသံပေးကာ လူတွေနောက်လိုက်သည်။ လူတွေက ဘုရားပေါ်တက်သွားကြသည်။

တံခါးတွင် စာကပ်ထားသည်

“ခွေးမတက်ရ”

ခွေးက အဘယ်မှာလျှင် လူစာကို ဖတ်တတ်မည်နည်း။ လည်ပင်းလေးခါပြီး လှေခါးများပေါ်တက်သည်။ ကလေးတစ်ယောက်က တံမြက်စည်းချောင်းနှင့် လိုက်ရိုက်သဖြင့် ပြေးရပြန်သည်။

ဟိုနေရာလည်း မောင်းထုတ်၊ သည်နေရာလည်း မောင်းထုတ် ခွေးစိတ်ညစ်လာသည်။

တစ်နေရာတွင် လူတွေ အုပ်စုလိုက်တွေ့ပြန်သည်။ မျက်လှည့်ပွဲဖြစ်သည်။ သူက လူတွေခြေထောက် ကြားက တိုးဝှေ့ကာကြည့်သည်။

မျက်လှည့်ဆရာက ခွေးကိုတွေ့သည်

“လာ … လာ” ဟု လက်ဖျောက်တီးကာ ခေါ်သည်။

“အလို ငါ့ကို အရေးတယူပါလား”

ခွေးက အံ့အားသင့်ကာ ဝိုင်းထဲကို ဝင်သည်။ မျက်လှည့်ဆရာက ခွေးလေးကို ကောက်ပွေ့လိုက်သည်။ ထို့နောက်

“ကိုင်း … ကျွန်တော် ဘယ်မှာမှ မပြဖူးသေးတဲ့ ပြကွက်ကို ပြပါ့မယ် … ဟောဒီခွေးလေးကို လူဖြစ်အောင် လုပ်ပြပါ့မယ်”

“ဟာ”

လူတွေက အံ့အားသင့်သွားကြသည်။

“ဘာလဲ ခင်ဗျားတို့က မယုံလို့လား … ကိုင်း ကျုပ်အစွမ်းကို ပြရသေးတာပေါ့”

မျက်လည့်ဆရာက ခွေးကို ခုံပေါ်တင်သည်။ ထို့နောက် အဝတ်နီဖြင့် အုပ်လိုက်သည်။

“ခွေးလေးရေ … မင်း ရှိနေသေးတယ်ဆိုတာ ချူသံပေးပါဦး”

ခွေးက နားလည်သည့်အလား ချူသံပေးရန် ခေါင်းခါပြလိုက်သည်။

“ကြားတယ်နော်”

မျက်လှည့်ဆရာက

“ကိုင်း … ကြည့်ကြ … ဟိုက်ချလောင်း”

အဝတ်နီကို ဆွဲဖယ်လိုက်သည်။ ခွေးပျောက်သွားသည်။

“ဘယ်မှာလဲ လူဖြစ်လာမယ်ဆို … ဘယ်မှာလဲ”

“ခွေးပျောက်သွားပြီ … လူဘယ်မှာလဲ”

မျက်လှည့်ဆရာက

“ကျွန်တော့်ပြပွဲ ပြီးပါပြီခင်ဗျာ” ဟုပြောသည်။

“ဟေ့ မျက်လှည့်ဆရာ … ခင်ဗျား ညာတာပဲ … ခွေးကို လူဖြစ်အောင် လုပ်မယ်ဆိုတာ ဘယ်မှာလဲ”

မျက်လှည့်ဆရာက ပြုံးသည်

“ကျွန်တော် ခွေးကို လူဖြစ်အောင် လုပ်လိုက်ပါပြီ …”

“အေးလေ ဘယ်မှာလဲ သက်သေပြ”

“ခင်ဗျားတို့ ရွာထဲမှာ လျှောက်သွားနေပါပြီ”

“ခင်ဗျားညာတာပဲ ဘယ်လိုလုပ် သိနိုင်မှာလဲ”

“သိပ်သိနိုင်တာပေါ့ဗျာ … အဲဒီခွေးက လူသာဖြစ်သွားတာ … သူ့လည်ပင်းက လည်ပတ်ကို ချွတ်ဖို့ မေ့နေမှာ”

စာရေး ဆရာ အရိုးစာအုပ်များ -

📚https://t.me/bookparadisepremiumchannel/580

📚 https://t.me/c/1507448007/75

မင်မင်တို့ဆီမှာ အင်တာနက် အခက်အခဲဖစ်နေလို့ စာအုပ်တွေလဲ မတင်ဖစ်ဘူး။ နောက်ရက်တော့ အချိန်ရရင် တင်ပေးပါအုံးမယ်။

အမေဆိုတာက...👪
ကိုယ်ဘာတွေကြိုက်တတ်တယ်
ဆိုတာ မှတ်ထားပြီး
ကိုယ်မထင်မှတ်ထားတဲ့
အချိန်မျိုးမှာ ချက်ကျွေးတတ်တယ်။

အမေဆိုတာက
ကိုယ်က အမေပြန်လာရင်
ဟိုဟာလေး ဝယ်ခဲ့
ဒီဟာလေးဝယ်ခဲ့လို့ မှာတိုင်း
ဝယ်ခဲ့မှာ မဟုတ်တဲ့ပုံမျိုးနဲ့
ပြန်လာရင် ကိုယ်မှာတာကို
မရရအောင် ဝယ်ခဲ့ပေးတတ်တယ်။

အမေဆိုတာက
ကိုယ်ကြိုက်တဲ့ အရောင်လေးတွေကို
မှတ်ထားပြီး
ကိုယ်ကြိုက်မယ်ဆိုတဲ့ အရာလေးတွေကို
အဲဒီ အရောင်လေးတွေအတိုင်း
ဝယ်ပေးတတ်တယ်။

အမေဆိုတာက
ကိုယ်နဲ့ အပြန်အလှန်
စိတ်ကောက်နေရင်တောင်
ကိုယ့်ကိုယ် ထမင်းစားချိန်ရောက်ရင်
ထမင်းစားတော့လေလို့
သတိပေးတတ်တယ်။

အမေဆိုတာက
ကိုယ်အပြင်သွားတိုင်း
ဖုန်းလေးတောက်လျှောက်ခေါ်ပြီး
နောက်ကျနေပြီ ပြန်လာတော့ဆိုပြီး
အမြဲသတိပေးတတ်တယ်။

အမေဆိုတာက
ကိုယ့်အဝတ်တွေ ပုံနေပြီ
ဘယ်တော့လျှော်မှာလဲလို့
ဆူပူပြီး ကိုယ်မရှိတဲ့အခါ
လျှော်လှမ်းထားပေးတတ်တယ်။

အမေဆိုတာက
ပါးစပ်ကသာ ကိုယ့်ကိုယ်ဆူပူနေတာ
ပြီးရင် ကိုယ်ဖြစ်ချင်တာတွေ
ကိုယ်လုပ်ချင်တာတွေ မှန်သမျှကို
လိုက်ဖြည့်ဆည်းပေးတတ်တယ်။

အမေဆိုတာက
ကိုယ့်စိတ်နှလုံးနဲ့ ကိုယ်
ဖြစ်ချင်တာမှန်သမျှကို
အသိဆုံးသော ကမ္ဘာပေါ်မှာ
ကိုယ့်ကိုယ် အချစ်တတ်ဆုံးသော
မိခင်ကောင်း တစ်ဦးပဲ။

သူများတွေ ကိုယ့်ကိုယ်
ချစ်တယ်ဆိုတာ
အမေ မုန်းနေသလောက်ပဲရှိတယ်။

#မေတ္တာဖြင့်ပြန်လည်မျှဝေလိုက်ပါသည်

Operator promotion SMS ပိတ်နည်း

Phone Operator များရဲ့ ကြော်ငြာ Message များ ပိတ်နည်း....

▪ MPT အသုံးပြုသူများအတွက် -
Dialpad မှတဆင့် *2007# ကို နှိပ်ပြီး Call ကိုနှိပ်ပါ။
ထပ်မံပေါ်လာသော Option (1 or 2) မှ Option (1) MPT မှ
ပရိုမိုးရှင်း SMS မရယူပါ။
- ဆိုတာကို ရွေးချယ်ပြီး Reply ပြုလုပ်ပေးပါ။ ခဏနေရင် SMS တခု၀င်လာပြီး MPT မှ ပရိုမိုးရှင်း SMS ရယူခြင်းကို ရက် (၃၀) ကြာရပ်ဆိုင်းမှု ပြုလုပ်ပြီးကြောင်း ပြောပါလိမ့်မယ်ခင်ဗျာ။
.
▪ Ooredoo အသုံးပြုသူများအတွက် -
Messages App ကိုဖွင့်ပါ။ To: မှာ 5059 ကို လိပ်မူပြီး DNDON ဟု (စာလုံးအကြီးများသာ) ရိုက်ပြီး SMS ပို့လိုက်ရင် Promotion SMS ကို ရက်အကန့်အသတ်မရှိ ပိတ်ပြီးဖြစ်ပါတယ်ခင်ဗျာ။ (SMS ပို့ခြင်းအတွက် အခကြေးငွေပေးရန်မလိုပါ)
.
▪ Atom အသုံးပြုသူများအတွက် -
Messages App ကိုဖွင့်ပါ။ To: မှာ 500 ကို လိပ်မူပြီး
DNDON ဟု (စာလုံးအကြီးများသာ) ရိုက်ပြီး SMS ပို့လိုက်ရင် Promotion SMS ကို ရက်အကန့်အသတ်မရှိ ပိတ်ပြီးဖြစ်ပါတယ်ခင်ဗျာ။ (SMS ပို့ခြင်းအတွက် အခကြေးငွေပေးရန်မလိုပါ)

▪ Mytele အသုံးပြုသူများအတွက် -
Dialpad မှတဆင့် *800# ကို နှိပ်ပြီး Call ကိုနှိပ်ပါ။ ထပ်မံပေါ်လာသော Option (1 or 2) မှ Option (1) ကိုရွေးချယ်ပြီး ပရိုမိုးရှင်း SMS ရပ်ဆိုင်းခြင်းပြုလုပ်ပါ။

အမြဲတမ်း ပျော်ပျော်ရွှင်ရွှင်နေတတ်တဲ့ ကောင်လေးတစ်ယောက် ရှိတယ်။ တစ်နေ့တော့ အဘိုးကြီးတစ်ယောက်ဆီသွားပြီး မေး တယ်။

"အဘိုး "

" ပျော်ရွှင်မှုရဲ့ အကြီးမားဆုံး အဖျက်သမားက ဘာလဲ..."

" သားက ပျော်ပျော်ရွှင်ရွှင်ပဲနေချင်တာ .ဒါပေမယ့် တစ်နေ့နေ့ ဝမ်းနည်းပူဆွေးမှုတွေ ဖြစ်လာမှာကို ကြောက်လို့ ပျော်အောင် နေနည်းကို ပြောပြပါလား..'

အဘိုးအိုက ခဏလောက်စဉ်းစားပြီး ခေါင်းညိတ်ပြီး ပြောတယ်..

"ကောင်းပြီ၊ မင်းသိချင်တာတွေကို ပြောပြမယ်။ ဒါပေမယ့် မ ပြောခင် မင်း ခိုင်းတာ တစ်ခုတော့ လုပ်ပေးရမယ်.."

ကောင်လေးက အဘိုး မျက်နှာကို ကြည့်ပြီး ပြုံးကာ မေးသည် ။

"ရပါတယ် အဘိုးရဲ့.. သားလုပ်ပေးမှာပေါ့....ဘာလုပ်ပေးရမှာလဲ ပြော။

အဘိုးကြီးက ဖြေတယ်၊
"အဘိုးအိမ်နောက်ဘက်မှာ ရေစည် အလွတ်တစ်လုံးရှိတယ်၊ မင်းကို ရေဖြည့်ပေးစေချင်တယ်။ အဘိုးက အသက်ကြီးပြီး စမ်းချောင်းထဲမှာ ရေမဆင်းခပ်နိူင်တော့ဘူး... မင်းအဲ့ဒီရေစည် အလွတ်ထဲကို ရေဖြည့်ပေးရင် မင်းကို ဒင်္ဂါးနှစ်ပြားဆုချမယ်။ ဒင်္ဂါးနှစ်ပြားက မင်းအတွက်ပဲ ကောင်လေး"

ကောင်လေးဟာ ဒင်္ဂါးနှစ်ပြား ရမယ်ဆိုသောကြောင့် စိတ်တွေ လှုပ်ရှားတက်ကြွသွားပြန်တယ်။

ရေပုံးတစ်ပုံးကို ကိုင်ပြီး ရေယူဖို့ စမ်းချောင်းကို အမြန်ဆင်းခဲ့ တယ်။ ခဏအကြာတွင် အဘိုးအိုထံသို့ ပြန်သွားပြီး ရေစည်ကို ရေဖြည့်ထားကြောင်း ပြောပြသည်။

သို့သော် အဘိုးအိုက …

"အိုး၊ ငါပြောဖို့မေ့သွားလို့ ငါ့မီးဖိုချောင်ထဲမှာလည်း စည်အလွတ် တစ်လုံးရှိသေးတယ်။ အဲဒါကို ထပ်ဖြည့်ပေးပါလား ။ ငါမင်းကို ဆုကြေးအနေနဲ့ နောက်ထပ်ဒင်္ဂါးနှစ်ပြား၊ စုစုပေါင်း ဒင်္ဂါးလေး ပြား ပေးမယ်။ မင်းလိုချင်တာ ဝယ်လိုရတာပေါ့ ဒီငွေလေးပြားဆို တာ မင်းအတွက် အများကြီးပဲ..."

ကောင်လေးက ဒီဒင်္ဂါးလေးပြားကို ရဖို့ စိတ်ပိုင်းဖြတ်ထားတယ်၊ အဲဒါကို နှစ်ခါမစဉ်းစားတော့ဘူး။ ရေပုံးကို ယူကာ စမ်းချောင်းထဲ သို့ အမြန်ဆင်းခဲ့သည်။

မကြာခင်မှာပင် သူသည် ဒုတိယရေစည်ထဲကို ရေဖြည့်ပြီးသွား ပြီ။ ထို့နောက် အဘိုးကြီးထံသို့ ပြန်သွားသောအခါ၊

"ကောင်းတယ်ဟေ့ ဒါပေမယ့် ငါက မေ့တတ်တဲ့ အဘိုးကြီးပဲ၊ ငါ့ ဥယျာဉ်မှာ ရေစည်အလွတ်တစ်လုံးရှိတယ်ဆိုတာ ငါမေ့သွားခဲ့ တယ်။ မင်းအဲ့ဒါကို ရေဖြည့်ပေးနိုင်ရင် မင်းပိုက်ဆံထဲကို အကြွေ နှစ်ပြား ထပ်ထည့်လိုက်မယ်။ မင်းအတွက် ငွေဒင်္ဂါးခြောက်ပြား ဖြစ်သွားတာပေါ့.."

ကောင်လေး၏မျက်နှာတွင် ရွှင်မြူးသော မျက်လုံး များ ပေါ်လာ သည်။ ဒီပိုက်ဆံ အားလုံးနဲ့ဆို သူ ဘာဝယ်မယ်ဆိုတာကို တွေးပြီး စိတ်ခံစားချက်တွေကို မထိန်းနိုင်ခဲ့ဘူး

တတိယမြောက် ရေစည်ကိုဖြည့်ပြီး အဘိုးကြီးဆီပြန်ရောက်လာ တာ အချိန်တောင်သိပ်မကြာပါဘူး။ သူဟာ မောပန်းနွမ်းနယ်နေခဲ့ တယ်။

ဒါပေမယ့် အဘိုးအိုက ကောင်လေးကို ဒင်္ဂါးခြောက်ပြားကို ပေးရ မယ့်အစား မျက်မှောင်ကြုတ်ပြီး

"အိုး မဟုတ်သေးပါဘူး၊ ငါက တစ်ကမ္ဘာလုံးမှာ သတိအမေ့ဆုံး အဘိုးကြီး...ထင်တယ်၊ ငါ့မှာ ပေးစရာ ဒင်္ဂါး မရှိဘူးဆိုတာကို မေ့ နေတယ်။ ငါ အရမ်းစိတ်မကောင်းဖြစ်ရပါတယ်၊ မင်းကို ပေးစရာ ပိုက်ဆံမရှိဘူး.. တောင်းပန်ပါတယ် အခုတော့ မင်းလက်ဗလာနဲ့ပဲ အိမ်ပြန်ရတော့မယ် ကောင်လေးရေ"

ထိုစကားကိုကြားသောအခါ ကောင်လေး၏မျက်နှာပေါ်ရှိ အပြုံး သည် ရုတ်တရက်ပျောက်ကွယ်သွားကာ ဝမ်းနည်းသောအကြည့် ဖြင့် အစားထိုးလာသည်။

သူ့ရဲ့ ပျော်ရွှင်မှုဟာ လုံးဝပျောက်ဆုံးသွားပြီး ဝမ်းနည်းမှု စိတ်ပျက်မှုတွေနဲ့ အစားထိုးခဲ့ပါတယ်။

ထိုအချိန်တွင် အဖိုးအိုသည် အံ့အားသင့်စွာပြုံးလိုက်ပြီး သူ့ကို ခဏလောက် တင်းတင်းကျပ်ကျပ် ဖက်ထားကာပြောသည် ။

"စိတ်မပူပါနဲ့ ကောင်လေး။ အမှန်က မင်းအတွက် ပိုက်ဆံရှိပါ တယ်၊ ငါလုပ်ခဲ့သမျှက မင်းကို ဘဝနဲ့ပတ်သက်တဲ့ အဖိုးတန် သင်ခန်းစာတစ်ခု သင်ပေးဖို့ ရည်ရွယ်ချက်တစ်ခုပဲ"

"ပျော်ရွှင်မှုရဲ့ အကြီးမားဆုံး ဖျက်ဆီးသူဆိုတာ ဘာလဲလို့ မင်းက ငါ့ကို ပြောပြခိုင်းတဲ့အခါ ... အခုလို မင်းကို ဝမ်းနည်းစေမယ့် အစီ အစဉ်တစ်ခု ပေါ်လာတော့ တာပေါ့"

" မင်းကို သေသေချာချာ ထိထိရောက်ရောက် အဖြေပေးချင်လို့ ပါ.."

ပျော်ရွှင်မှုရဲ့ အကြီးမားဆုံး အဖျက်သမားက မင်းရဲ့ မျှော်လင့်ချက်တွေပဲ.."

" မင်းငါ့ဆီကနေ ဒင်္ဂါးခြောက်ပြားရဘို့ကို မျှော်မှန်းထားတယ်၊ အဲ ဒါကို မင်းမရနိူင်တော့ဘူးလို့ မင်းသိသွားတဲ့ အခါ မင်း ဝမ်းနည်း လာတယ်.."

တခြားသူတွေအတွက် တစ်ခုခုလုပ်ပေးတဲ့အခါ သူတို့ဆီကနေ တစ်ခုခုကို ပြန်ရဘို့ မျှော်လင့်ကြတယ်.."

" ငါတို့က သူတို့ကို ချစ်တဲ့အတွက် သူတို့က ငါတို့ကို ပြန်ချစ်လိမ့် မယ်.. ငါတို့က သူတို့အပေါ် ကောင်းကြလို့ သူတို့ကလည်း ငါတို့ အပေါ်မှာပြန် ကောင်းကြလိမ့်မယ်.. ဒီလိုမျိုးတွေပြန်လာဘို့ မျှော် လင့်ကြတယ်.."

" တစ်စုံတစ်ယောက်ဆီက ပြန်မျှော်လင့်တာဟာ လက်တွေ့မကျပါ ဘူး.. ဖြစ်ချင်မှ ဖြစ်မှာလေ "

" ဖြစ်မလာတဲ့အခါမှာ မင်းကို စိတ်ပျက်မှု၊ စိတ်ဓာတ်ကျမှု နဲ့ မင်း ရဲ့စိတ်ကို ဖိအားတွေဖြစ်စေတယ်..'

" တကယ်လို့ ကိုယ့်ဘက်က လူတွေအပေါ်မှာ မျှော်လင့်ချက်တွေ ကို လျှော့ပြီး…. နားလည်မှုတွေနဲ့ နေနိူင်မယ်ဆိုရင်တော့... ဘဝမှာ ပျော်ပျော်ရွှင်ရွှင် နေနိုင်မှာပါ" တဲ့...။

Credit မူရင်း

credit..

¶¶သားတစ်ယောက်ကိုသာ မြင်သည်¶¶
====================
ရွာဦးဘုန်းကြီးကျောင်း ရေတွင်းတွင် မိန်းမကြီးသုံးယောက် ရေခပ်နေကြ၏။ မနီးမဝေးရှိ ကျောက်တုံးကြီး တစ်ခုပေါ်တွင် အဘိုးအိုတစ်ယောက်သည် ထိုင်ကာ အပန်းဖြေနေ၏။

မိန်းမကြီးတစ်ယောက်က ကျုပ်သားသည် အလွန် အပြေးသန်လှပါသည်။ သူ့ကို နိုင်အောင်ဘယ်သူမှ မပြေးနိုင်ပါဟု ပြောလေသည်။

ဒုတိယမိန်းမကြီးကလည်း ကျုပ်သားကတော့ အသံ အင်မတန်ကောင်းသည်။ သူ့သီချင်းဆိုသံကို တော်တို့ ကြားစေချင် စမ်းပါဘိဟု အားကျမခံ ကြွားလိုက်လေသည်။

တတိယမိန်းမကြီးကား ဘာမျှမပြော။

မိန်းမကြီး သုံးယောက်တို့သည် ရေခပ်ကြပြီးသောအခါ ရေအိုးများကို ရွက်၍ လက်တွင် ရေပုံးများ ဆွဲကာ ရွာသို့ ပြန်လာကြလေသည်။ အဘိုးအိုလည်း မလှမ်းမကမ်းမှ လိုက်ပါလာလေသည်။ အတန်ငယ်သွားမိကြသောအခါ လက်များကလည်း နာကျင်၊ ရွက်လာရသော ရေအိုးများကလည်း လေးလှသဖြင့် မိန်းမကြီး သုံးယောက်တို့သည် ရေပုံး၊ ရေအိုးများချ၍ ခေတ္တ နားနေကြလေသည်။

ထိုအခိုက် ရွာဘက်မှ ကလေးသုံးယောက်သည် သူတို့ရှိရာသို့ လာကြလေသည်။ အနားသို့ ရောက်သောအခါ တစ်ယောက်သောကလေးက သံခွေလှိမ့်ရင်း ပြေးကစားနေလေသည်။ ဒုတိယကလေးက ဥသြသံကဲ့သို့ သာယာသည့်အသံနှင့် သီချင်းဆိုကာ တဖြည်းဖြည်း လျှောက်လာလေသည်။ ကျန်ကလေးကမူ မိန်းမကြီးများရှိရာသို့ ပြေးလာ၍ သူ့မိခင်ဖြစ်သူ တတိယမိန်းမကြီးထံမှ ရေအိုးနှင့် ရေပုံးကို ကောက်ယူ ထမ်းပိုးကာ ရွာဘက်သို့ သယ်ယူသွားလေသည်။

ပထမမိန်းမကြီးနှင့် ဒုတိယမိန်းမကြီးတို့က အဘိုးအိုဘက်သို့ လှည့်ကာ ကျုပ်တို့သားများ မြင်လိုက်ပါစဟု မေးရာတွင် အဘိုးအိုက ရှင်မတို့သားဆိုသူများကား အဘယ်မှာနည်း။ ကျွန်ုပ်မူ သားတစ်ယောက်တည်းကိုသာ မြင်ပါသည် ဟု ပြန်ပြောလိုက်လေသည်။

*********
ငယ်ငယ်တုန်းက သင်ခဲ့ရဖူးတဲ့ တတိယတန်း မြန်မာဖတ်စာအုပ်မှ

#သားတစ်ယောက်ကိုသာမြင်သည်
#𝙲ｒｄ_ｔ𝚘_𝚘𝚠ｎ𝚎ｒ_ ✍️

တစ်ခါတုန်းကပေါ့ ရွာတစ်ရွာတွင် အဘွားအိုတစ်ဦး ရှိသည်။ အဘွားအိုသည် သူ၏သား၊ ချွေးမတို့နှင့်အတူ နေထိုင်သည်။ ချွေးမဖြစ်သူသည် အဘွားအိုအား မကြည်ဖြူပေ။ အဘွားအို အစားကြီးသဖြင့် ဆန်အလွန်ကုန်သည်။ ထို့ကြောင့် အဘွားအိုအား အိမ်တွင် ကြာရှည်ဆက်မထားနိုင်တော့”ဟုဆိုကာ ခင်ပွန်းသည်အား အမြဲ ကုန်းချောစကား ဆိုသည်။ ရန်လုပ်သည်။

နောက်ဆုံးတွင် ချွေးမ၏စကား အောင်လေသည်။ မိုက်မဲသောသားသည် ဇနီးသည်၏ စကားအတိုင်း လိုက်နာကာ အဘွားအိုအား တောထဲတွင် ကျားစာအဖြစ် သွားရောက်စွန့်ပစ်ထားရန် ဆုံးဖြတ်လိုက်လေတော့သည်။ နောက်တစ်နေ့သို့ ရောက်သော် သားဖြစ်သူသည် အဘွားအိုအား တောထဲသို့ ခေါ်သွားသည်။ ကြီးမားသော မန်းကျည်းပင်ကြီး တစ်ပင်၏ ခြေရင်းတွင် ကြိုးဖြင့်တုပ်ကာ ထားပစ်ခဲ့လေသည်။

ညအချိန်သို့ရောက်သော် တောထဲရှိ ကျားများသည် လူနံ့ရသဖြင့် သစ်ပင်အနီးသို့ ချဉ်းကပ်လာကြသည်။ ထိုစဉ် သစ်ပင်စောင့် ရုက္ခစိုးနတ်သည် ရုတ်တရက် ပေါ်လာပြီး “အသင် ကျားတို့၊ ခဏနေကြပါဦး၊ ဒီအဘွားအိုဟာ ဘယ်လိုပုဂ္ဂိုလ်မျိုးလဲဆိုတာ ကျွန်ုပ်အရင် စမ်းသပ်ပါရစေဦး။ တကယ်လို့ အဘွားအိုဟာ သူတော်ကောင်းတစ်ဦး ဖြစ်ခဲ့ရင် သူ့ကို သင်တို့စားခွင့် မပေးနိုင်ဘူး။ အဘွားအိုဟာ သူတော်ကောင်းတစ်ဦး မဟုတ်ခဲ့ဘူးဆိုရင်တော့ သင်တို့ကို စားခွင့်ပေးမယ်”ဟု ပြောသည်။

ကျားများလည်း ရုက္ခစိုး၏စကားကို နာခံကြသည်။ ရုက္ခစိုးသည် ကြက်တောင်တစ်ချောင်းကိုယူ၍ အဘွားအို၏ နှာခေါင်းကို ကလိလိုက်သည်။ အဘွားအိုသည် နှာခေါင်း ယားလာသဖြင့် နှာချေကာ “ဟတ်ချိုး၊ ဟတ်ချိုး၊ ဘုရား၊ ဘုရား”ဟု နှုတ်မှ ရေရွတ်လိုက်သည်။

ထိုအသံကိုကြားသည်နှင့် ရုက္ခစိုးသည် ကျားများအား ကဲ-သင်တို့ကြားပြီမဟုတ်လား။ ဒီအဘွားအိုဟာ သူတော်ကောင်း တစ်ယောက်ပဲ။ ဒါကြောင့် သင်တို့အား သူ့ကိုစားခွင့် မပြုနိုင်ဘူး။ သင်တို့ပြန်ကြတော့”ဟု ပြောလိုက်သည်။ ကျားများလည်း အဝေးသို့ ပြန်လည်ထွက်ခွါသွားကြသည်။
အဘွားအိုသည် ရုက္ခစိုးနှင့် ကျားများ အပြန်အလှန် ပြောဆိုကြသည်များကို ကြားလည်းမကြားရ၊ မြင်လည်း မမြင်ရပေ။ ကျားများရောက်လာ၍ ပြန်ထွက်သွားသည်ကို မြင်ရသည်။

အတန်ကြာသော် အဘွားအို အိပ်ပျော်သွားသည်။ အိပ်ရာမှ နိုးလာသောအခါ နံနက် အရုဏ်တက်နေပြီဖြစ်ကြောင်း တွေ့ရသည်။ သူ့ကိုယ်ပေါ်တွင် ချည်ထားသော ကြိုးများမှာလည်း ပြေနေပြီ။ သူ့ခြေရင်းတွင်လည်း ရွှေအိုးတစ်လုံး ချထားသည်ကို တွေ့ရသည်။ အဘွားအိုသည် ရွှေအိုးကို မ,ကာ ရွာသို့ ဝမ်းသာအားရ ပြန်လာခဲ့လေသည်။ သို့သော် အဘွားအိုသည် ရက်စက်သော သားနှင့်ချွေးမတို့ထံသို့ မပြန်တော့ပေ။ ပါလာသော ရွှေများကို ထုခွဲ၍ အိမ်ကြီးအိမ်ကောင်းတစ်လုံး ဝယ်ကာ စည်းစိမ်အပြည့်ဖြင့် နေထိုင်လေသည်။

ချွေးမသည် အဘွားအို အသက်မသေဘဲ ပြန်ရောက်လာရုံမက ကြွယ်ဝချမ်းသာနေကြောင်းကို ကြားသိရသောအခါ အလွန်ပင် မနာလို ဖြစ်မိသည်။ ထို့ကြောင့် သူ၏ခင်ပွန်းအား အဘွားအို ရွှေအိုးရလာသည့် အကြောင်းရင်းကို သွားရောက်မေးမြန်းရန် စေလွှတ်လိုက်သည်။ ခင်ပွန်းသည်သည် အဘွားအိုထံ သွားရောက်ကာ ရွှေအိုးရခဲ့သည့် အကြောင်းစုံကို မေးမြန်းသည်။ အဘွားအိုသည် သူ့သားက သူ့အား သေကြောင်းကြံခဲ့သည် မှန်သော်လည်း သားအပေါ်ချစ်ခင်သည့် မိခင်မေတ္တာကြောင့် သားအား ရွှေအိုးရခဲ့ပုံကို ပြန်ပြောခဲ့သည်။

ထိုနေ့ နေ့လည်ပိုင်းသို့ရောက်သော် ချွေးမသည် သူ့အား တောတွင်းသို့ ခေါ်သွားကာ မန်ကျည်းပင်တွင် ကြိုးချည်ထားခဲ့ရန် ခင်ပွန်းသည်အား ပူဆာသည်။ ခင်ပွန်းသည်လည်း သူ့စကားအတိုင်း လိုက်နာခဲ့သည်။ ချွေးမဖြစ်သူလည်း စိတ်ရှည်လက်ရှည်ဖြင့် စောင့်ဆိုင်းနေသည်။ ညအချိန်ရောက်သော် ကျားများ ရောက်ရှိလာသည်။ သို့သော် ချွေးမဖြစ်သူသည် ကျားများကို လုံးဝ မကြောက်သည့်အပြင် မကြာမီ ရွှေအိုးရတော့မည်ဟု တွေးကာ ဝမ်းမြောက်ဝမ်းသာပင် ဖြစ်နေမိသည်။

ထိုစဉ် ရုက္ခစိုးနတ် ရောက်လာသည်။ သူက ကျားများအား “အသင်ကျားတို့ ခဏနေကြပါဦး၊ ဒီအမျိုးသမီးဟာ ဘယ်လိုပုဂ္ဂိုလ်မျိုးလဲဆိုတာကို ကျွန်ုပ် စမ်းသပ်ပါရစေဦး”ဟု ပြောသည်။ ထို့နောက် ချွေးမဖြစ်သူ၏ နှာဝကို ကြက်တောင်ဖြင့် ကျပ်လိုက်သည်။ ထိုအခါ ချွေးမသည် လောဘကြီးသူ ဖြစ်သည့်အတွက် “ဟတ်ချိုး ဟတ်ချိုး ဘယ်မလဲ ငါ့ရွှေအိုး, ဘယ်မလဲ ငါ့ရွှေအိုး”ဟု ချေလိုက်သည်။

ရုက္ခစိုးသည် စိတ်ဆိုးသွားသည်။ သူက ကျားများအား “ဒီအမျိုးသမီးဟာ သူတော်ကောင်း မဟုတ်ဘူး။ အလွန်လောဘကြီးတဲ့ သူယုတ်မာဖြစ်တယ်။ ဒါကြောင့် သူ့ကို သင်တို့ စားကြပေတော့”ဟု ပြောကာ ပျောက်ကွယ်သွားလေတော့သည်။
ချွေးမဖြစ်သူကား လူကြီးသူမကို စော်ကားမှု၊ လောဘကြီးမှုတို့ကြောင့် ရွှေအိုးမရဘဲ အသက်ဆုံးရလေတော့သည်။

#crd_to_owner_with_respect

လောကမှာလေ အမေ့ကို
တစ်ခုခုလုပ်ပေးရတာလောက် ပျော်စရာကောင်းတာမရှိဘူး

လိုချင်တာ၊ လိုအပ်တာလေးတွေမှတ်ထား
အလုပ်ကလေးအဆင်ပြေရင် တစ်ခုချင်းဝယ်ပေးတာမျိုး
အပြင်ကပြန်လာတဲ့အခါ ကြိုက်တတ်တာလေးဝယ်လာတာမျိုး

အပေးကမ်းချင်ဆုံး အလှူခံပုဂ္ဂိုလ်ဟာမိဘပဲ
မိဘကိုရည်ရွယ်ပြီး လုပ်တဲ့အလုပ်တိုင်းဟာ အခက်အခဲနည်းပြီး အတားအဆီးသိပ်မရှိဘဲ အောင်မြင်တတ်တာ ကျွန်တော်ကတော့ယုံတယ်

တန်ဖိုးနည်းနည်းများများ သားသမီးကပေးတာဆို
တစ်ခါလေးတောင် ညည်းညူခြင်းမရှိဘဲ သဘောတကျနဲ့ တစ်ခုပေးရင် ဆယ်ခုမက ပြန်လုပ်ပေးချင်တာ မိဘကလွဲရှိမယ်မထင်ဘူး

ဗုဒ္ဓဟောကြားခဲ့သလိုပါပဲ မိဘဆိုတာ သက်ရှိထင်ရှား ဘုရားမဟုတ်လား။

#Credit

ရန်သူအားလုံးသည် ရန်သူများမဟုတ်ပါ။
( ဇင်ဘာဘွေနိုင်ငံ - ဆိုရိုးစကား )

ဘာဘွန်မျောက်အုပ်တစ်အုပ်ဟာ ပျော်ပွဲ ရွှင်ပွဲတွေလုပ်ကြသည်။ အဘယ့်ကြောင့်ဆိုသော် သူတို့ ပြောင်းခင်းထဲသွားလျင် လိုက်လိုက်ဖမ်းသော သူသည် သေသွားပြီးဟု ကြားသိရသော ကြောင့်ဖြစ်သည်။

နောက်တစ်နှစ်သို့ရောက်သောအခါ သူတို့စားနေကြ ပြောင်းခင်းထဲမှာ ပြောင်းပင် မရှိတော့ပါ။ ထိုသူသည် ပြောင်းခင်းကိုစိုက်သော လယ်သမားကြီးဖြစ်ပါသည်။

Saya U Khin Zaw ( ဘာသာပြန် )