အာဖဂန်နစ္စတန်တွင် ပါကစ္စတန်၏ လေကြောင်းတိုက်ခိုက်မှုကြောင့် အရပ်သား ၄၆ ဦး သေဆုံး

အာဖဂန်နစ္စတန်နိုင်ငံအရှေ့ပိုင်းနယ် စပ်ဒေသတွင် ပါကစ္စတန်၏လေကြောင်း တိုက်ခိုက်မှုကြောင့် အရပ်သား ၄၆ ဦးသေဆုံးခဲ့ကြောင်း တာလီဘန်အစိုးရက ဒီဇင်ဘာ ၂၅ရက်တွင် ပြောကြားခဲ့ပြီး ပါကစ္စတန်လုံခြုံ ရေးတာဝန်ရှိသူများကမူ လက်နက်ကိုင်များပုန်းအောင်းနေသည့်နေရာကို လေကြောင်း တိုက်ခိုက်ခဲ့ခြင်းဖြစ်ကြောင်း ပြောကြားခဲ့သည်။

တာလီဘန်တို့ အာဖဂန်နစ္စတန်အာဏာကို ထိန်းချုပ်ခဲ့သည့် ၂၀၂၁ ခုနှစ်နောက်ပိုင်းတင်းမာမှုများ မြင့်တက်နေခြင်းနှင့်အတူအာ ဖဂန်နစ္စတန်နှင့် ပါကစ္စတန်ကြားယင်းလေကြောင်းတိုက်ခိုက်မှုသည် နောက်ဆုံးအကြိမ်တင်းမာမှုမြင့်မားသည့် အခြေအနေဖြစ်သည်။

ပါကစ္စတန်က ပက်တီကာပြည်နယ်အရှေ့ပိုင်း ဘာမယ်ခရိုင်ရှိ နေရာလေးနေရာကို ဒီဇင်ဘာ ၂၄ ရက်တွင်ဗုံးကြဲတိုက်ခိုက်ခဲ့ကြောင်း တာလီဘန်အစိုးရပြောရေးဆိုခွင့်ရှိသူ ဇာဘီဟူလာမူဂျာဟစ်က ပြောကြားခဲ့ သည်။


■Ref: AFP
■ Read More >>>https://news-eleven.com/article/298697