CPIM Kerala

https://www.facebook.com/share/v/1DoZfnrX3K/

സിപിഐ(എം) വിപുലീകൃത പാലക്കാട് ജില്ലാ കമ്മിറ്റി യോഗം : സഖാവ് എം വി ഗോവിന്ദൻ മാസ്റ്റർ ഉദ്ഘാടനം ചെയ്യുന്നു

ഏരിയ കേന്ദ്രങ്ങളിൽ പ്രതിഷേധ പരിപാടികൾ സംഘടിപ്പിക്കും

ഇന്ന് ഗാന്ധി ജയന്തി. സ്വന്തം ജീവിതം തന്നെ ലോകത്തിന് സന്ദേശമാക്കി മാറ്റിയ മഹാത്മാ ഗാന്ധി, ഇന്ത്യ എന്ന മഹത്തായ ആശയത്തിന് വേണ്ടിയാണ് ജീവൻ ബലിനൽകിയത്. സാമ്രാജ്യത്വത്തിനെതിരായ പോരാട്ടത്തിൽ എല്ലാ വിഭാഗം ജനങ്ങളെയും ഒന്നിച്ചണിനിരത്താൻ അക്ഷീണം പ്രയത്നിച്ച അദ്ദേഹം മതനിരപേക്ഷതയുടെയും ജനാധിപത്യത്തിന്റെയും മാനവിക സാഹോദര്യത്തിന്റെയും ജീവിക്കുന്ന പ്രതീകമായിരുന്നു. ആ കാരണത്താൽ തന്നെയാണ് ഹിന്ദുത്വ വർഗീയവാദികൾ അദ്ദേഹത്തെ വെടിയുതിർത്ത് കൊലപ്പെടുത്തിയതും.

​ഗാന്ധിജി വിഭാവനം ചെയ്ത ജനാധിപത്യ ഇന്ത്യ ഇന്ന് വലിയ വെല്ലുവിളികളെയാണ് നേരിടുന്നത്. വിഭജന രാഷ്ട്രീയവും വർഗീയതയും സമൂഹത്തിൽ ആഴത്തിൽ വേരോടിക്കാൻ ഭരണസംവിധാനത്തിന്റെ തലപ്പത്തുള്ളവർ തന്നെ നേരിട്ട് നേതൃത്വം നൽകുന്നു. ഇതിനായി ഭരണഘടനാ സ്ഥാപനങ്ങളെപ്പോലും അവർ ആയുധമാക്കുകയാണ്. തിരഞ്ഞെടുപ്പ് കമ്മീഷൻ രാജ്യവ്യാപകമായി നടപ്പിലാക്കുന്ന എസ് ഐ ആർ പ്രക്രിയ ഇതിന്റെ ഏറ്റവും ഒടുവിലത്തെ ഉദാഹരണമാണ്.

​പൗരത്വ രജിസ്റ്റർ വളഞ്ഞ വഴിയിൽ നടപ്പാക്കാനുള്ള ഗൂഢശ്രമത്തിന്റെ ഭാഗമായി, അങ്ങേയറ്റം ജനാധിപത്യവിരുദ്ധമായ രീതിയിലാണ് തിരഞ്ഞെടുപ്പ് കമ്മീഷൻ ഈ വോട്ടർപട്ടിക പുതുക്കൽ പ്രക്രിയ നടപ്പിലാക്കുന്നത്. ന്യൂനപക്ഷങ്ങളെയും പാർശ്വവൽക്കരിക്കപ്പെട്ടവരെയും വോട്ടവകാശത്തിൽ നിന്ന് ആസൂത്രിതമായി പുറത്താക്കി സംഘപരിവാർ അജണ്ട നടപ്പിലാക്കാൻ കമ്മീഷൻ കൂട്ടുനിൽക്കുന്നത് രാജ്യത്തിന്റെ ജനാധിപത്യത്തിന് കടുത്ത ഭീഷണിയാണ് സൃഷ്ടിക്കുന്നത്.

എല്ലാത്തരം വിഭാഗീയ ചിന്തകൾക്കും വിഭജന രാഷ്ട്രീയത്തിനും മുന്നിൽ വലിയൊരു പ്രതിരോധമായി ഗാന്ധിജി നിലകൊണ്ടിരുന്നു. ആ സ്മരണകൾ തന്നെയാണ് ഇന്നത്തെ മനുഷ്യവിരുദ്ധ ആശയങ്ങൾക്കും ഭരണഘടനാ ലംഘനങ്ങൾക്കുമെതിരായ പോരാട്ടങ്ങൾക്ക് നമുക്ക് ഊർജ്ജം പകരേണ്ടത്. ജനാധിപത്യത്തെ കശാപ്പ് ചെയ്യുന്ന നീക്കങ്ങൾക്കെതിരെ ജനങ്ങളെ ഒന്നടങ്കം അണിനിരത്താൻ നമുക്ക് കഴിയണം. വെറുപ്പിന്റെ രാഷ്ട്രീയത്തെ ചെറുത്തുതോൽപ്പിക്കുമെന്നും ഭരണഘടനാ മൂല്യങ്ങളെ കാത്തുസൂക്ഷിക്കുമെന്നും ഈ ദിനത്തിൽ നമുക്ക് പ്രതിജ്ഞയെടുക്കാം.

​ഏവർക്കും ഗാന്ധി ജയന്തി ആശംസകൾ.

സ. പിണറായി വിജയൻ
പ്രതിപക്ഷ നേതാവ്

"വിദ്യാർത്ഥികളെ വേട്ടയാടാൻ അനുവദിക്കില്ല"; യൂത്ത് കോൺഗ്രസ്- പോലീസ് കാടത്തത്തിനെതിരെ പ്രതിഷേധമിരമ്പി.

അനശ്വരനായ സഖാവ് കോടിയേരി ബാലകൃഷ്ണന്റെ നാലാമത് ചരമവാർഷിക ദിനത്തിൽ തലശ്ശേരിയിൽ അനുസ്മരണ സമ്മേളനം സിപിഐഎം മുൻ ജനറൽ സെക്രട്ടറി പ്രകാശ് കാരാട്ട് ഉദ്ഘാടനം ചെയ്തു.