ਪੰਜਾਬੀ ਅਖ਼ਬਾਰ 🗞

ਜਿਵੇਂ ਕਿ ਆਪ ਜਾਣਦੇ ਹੋ, ਪੰਜਾਬੀ ਟ੍ਰਿਬਿਊਨ ਦਾ ਚੰਦਾ ਭਰਨਾ ਪੈਂਦਾ ਹੈ। ਤਿੰਨ ਮਹੀਨਿਆਂ ਦਾ ਭਰਿਆ ਚੰਦਾ ਖਤਮ ਹੋ ਗਿਆ ਹੈ, ਇਸ ਲਈ ਹੁਣ PDF ਵੀ ਤਿਆਰ ਨਹੀਂ ਹੋ ਸਕਦੀ।

ਜੇ ਕਿਸੇ ਤਰ੍ਹਾਂ ਚੰਦਾ ਭਰਨ ਜੋਗੇ ਪੈਸੇ ਜੁੜ ਗਏ ਤਾਂ ਮੁੜ ਤੋਂ ਪਾਉਣੀ ਸ਼ੁਰੂ ਕੀਤੀ ਜਾਵੇਗੀ। ਜਾਂ ਜੇ ਕਿਸੇ ਨੇ ਚੰਦਾ ਭਰਿਆ ਹੋਇਆ ਤਾਂ @GalbatBot ਰਾਹੀਂ eMail ID ਤੇ ਪਾਸਵਰਡ ਭੇਜ ਦੇਵੋ।

🕸

ਉਪਰੋਕਤ ਕਾਤਰ ਕੌਮ ਦੇ 'ਪਹਿਰੇਦਾਰ' ਅਖ਼ਬਾਰ (ਜਸਪਾਲ ਸਿੰਘ ਹੇਰਾਂ ਵਾਲਾ) ਦੇ 18-ਫਰਵਰੀ ਦੇ ਅੰਕ ਵਿੱਚ ਪਹਿਲੇ ਸਫ਼ੇ ਉੱਤੇ ਪੰਜਾਬੀ ਬਾਰੇ ਲਿਖੀ ਸੰਪਾਦਕੀ ਦਾ ਪਹਿਲਾ ਥੋੜ੍ਹਾ ਕੁ ਹਿੱਸਾ, ਜਿਸ ਵਿੱਚ ਜਨਾਬ ਨੇ ਪੰਜਾਬੀ ਭਾਸ਼ਾ ਦੀ ਸ਼ੁੱਧਤਾ ਬਾਰੇ ਚਿੰਤਾ ਜ਼ਾਹਰ ਕਰਦੇ ਹੋਏ ਟਿੱਪਣੀਆਂ ਕੀਤੀਆਂ ਕਿ "ਸਰਕਾਰ ਨੇ 21-ਫ਼ਰਵਰੀ ਤੱਕ ਬੋਰਡਾਂ ਨੂੰ ਪੰਜਾਬੀ ਵਿੱਚ ਕਰਨ ਦਾ ਟੀਚਾ ਮਿਥਿਆ, ਪਰ ਸਾਨੂੰ ਇਸ ਟੀਚੇ ਦੀ ਸ਼ੁੱਧਤਾ 'ਤੇ ਚਿੰਤਾ ਹੈ", ਅੱਗੇ "ਲਿਖਦੇ ਸਮੇਂ ਪੰਜਾਬੀ ਲਿਪੀ ਦਾ ਜਲੂਸ ਕੱਢ ਦਿੱਤਾ ਜਾਂਦਾ ਹੈ" ਆਓ ਹੁਣ ਗੌਰ ਕਰੀਏ ਜਨਾਬ ਨੇ ਸ਼ੁੱਧਤਾ ਦਾ ਖ਼ੁਦ ਕਿੰਨਾ ਕੁ ਖਿਆਲ ਰੱਖਿਆ..!

ਅੰਤਰਾਸ਼ਟਰੀ - ਅੰਤਰਰਾਸ਼ਟਰੀ
ਪੂਰਾ ਹੋਣ ਤੇ - ਪੂਰਾ ਹੋਣ 'ਤੇ
ਹਾਲੇਂ ਤੱਕ - ਹਾਲੇ ਤੱਕ
ਨਾਲੋਂ-ਨਾਲ - ਨਾਲੋ-ਨਾਲ
ਚੱਲਦੇ - ਚਲਦੇ
ਕਿੰਨ੍ਹੇ - ਕਿੰਨੇ
ਸ਼ੁਧ - ਸ਼ੁੱਧ (5 ਵਾਰ)
ਗਾਰੰਟੀ - ਗਰੰਟੀ
ਗੁਰੱਮੁਖੀ - ਗੁਰਮੁਖੀ
ਜੋੜਾ ਸ਼ਬਦ - ਸ਼ਬਦ-ਜੋੜਾਂ
ਸ਼ੁਧਤਾ - ਸ਼ੁੱਧਤਾ
ਲੁੱਪਤ - ਲੁਪਤ
ਧਰਤੀ ਤੇ - ਧਰਤੀ 'ਤੇ (2 ਵਾਰ)
ਲਿੱਪੀ - ਲਿਪੀ (2 ਵਾਰ)
ਅਣਗੋਲਿਆ - ਅਣਗੌਲਿਆ

ਜਨਾਬ ਖ਼ਬਰ ਦੇ ਅਗਲੇ ਹਿੱਸੇ ਵਿੱਚ ਵਿਦਵਾਨਾਂ ਤੇ ਪੁਰਾਣੇ ਅਧਿਆਪਕਾਂ ਨੂੰ ਸਲਾਹ ਦੇ ਰਹੇ ਹਨ ਕਿ ਉਹ ਆਪੋ-ਆਪਣਾ ਫਰਜ਼ ਸਮਝ ਕੇ ਨਵਿਆਂ ਨੂੰ ਸ਼ਬਦ-ਜੋੜ ਤੇ ਵਿਆਕਰਣ ਸਿਖਾਉਣ। ਪਹਿਰੇਦਾਰ ਜੀ, ਖ਼ਬਰ ਤੁਹਾਡੀ ਸਹੀ ਹੈ, ਅਜਿਹੇ ਮੁੱਦੇ ਉਠਾਉਣੇ ਚਾਹੀਦੇ ਹਨ ਪਰ ਆਪਣੀ ਪੀੜ੍ਹੀ ਹੇਠ ਵੀ ਸੋਟਾ ਫੇਰੋ ਜ਼ਰਾ, ਤਾਂ ਕਿ ਅਜਿਹੀਆਂ ਖ਼ਬਰਾਂ ਅੱਗੇ ਸਾਂਝੀਆਂ ਕਰ ਸਕੀਏ। ਇਸ ਤਰ੍ਹਾਂ 'ਜਲੂਸ ਕੱਢੀ ਖ਼ਬਰ' ਅੱਗੇ ਭੇਜਣ ਲੱਗਿਆਂ ਸ਼ਰਮ ਜਿਹੀ ਆਉਂਦੀ ਹੈ ਤੇ ਬੇਇਜ਼ਤੀ ਕਰਾਉਣ ਨੂੰ ਦਿਲ ਵੀ ਨਹੀਂ ਕਰਦਾ। ਘੱਟੋ-ਘੱਟ ਜਿਹੜੀ ਖ਼ਬਰ ਜਾਂ ਲੇਖ ਪੰਜਾਬੀ ਭਾਸ਼ਾ ਬਾਰੇ (ਓਹ ਵੀ ਭਾਸ਼ਾ ਦੀ ਸ਼ੁੱਧਤਾ ਬਾਰੇ) ਛਾਪ ਰਹੇ ਹੋ, ਓਹਦੀ ਤਾਂ ਸੁਧਾਈ ਕਰ ਲਿਆ ਕਰੋ, ਬਾਕੀ ਤਾਂ ਅੱਜਕੱਲ੍ਹ ਖੈਰ-ਸੁੱਖ ਈ ਐ।

ਕੋਈ ਇਹ ਪੋਸਟ ਦੇਖ/ਪੜ੍ਹ ਰਿਹਾ ਤਾਂ ਜਨਾਬ ਤੱਕ ਪੁਚਾ ਦੇਣਾ।