බල්ලො දැනගන්ඩෝන බල්ලො බල්ලො විදියට හදන්ඩ 😂😂😂
🐕
මේ දවස් වල බලු කේස් හැමතැනම යන එකේ බලු කතාවක් ලිව්වෙ නැත්තං සමාජෙන් කොන් වෙන සීන් එකක් තියෙන්නෙ... ඒක හින්ද ඔහේ මෙන්න මේක කොටල දානව ඔහෙලගෙ හුදී ජන පහන් සංවේගය සඳහා.....

සාමාන්‍යයෙන් බයිසිකලේකට වීල් එකකට බල්ලො පනිනව කියන්නෙ සාමාන්‍ය දෙයක්... ඔන්න ඔය බලු ජම්පින් එකක් හින්දා මටත් සෑහෙන වදයක් තිබ්බා පාලයියගෙ වැඩපලේ ඉන්න කාලෙ... ඒ දවස්වල මම තමා දවල්ට කෑම ගේන්න ලොක්කගෙ ගෙදරට යන්නෙ... ලොක්කගෙ ගෙදර තියෙන්නෙ වැඩපලේ ඉඳන් අතුරු පාරක කිලෝමීටරයක් විතර දුරක... ඒදවස් වල මගේ බයික් පැදිල්ල මාරක ලිඳේ යනව වගේ හින්දා ලොක්කා බයික් එක දෙන්නෙත් නෑ... මට බයික් එකක් ගන්න වත්කමකුත් නෑ... ඒ හින්ද වැඩපලේ තිබ්බ කෑලි ටිකක් එකතු කරල සයිකල් එකක් හදාගත්තා... අවුල තියෙන්නෙ ඒකෙ ප්‍රේම් එක ලේඩීස් බයිසිකල් එකක ප්‍රේම් එකක්... මේල් පීමේල් බැරිනං ශීමේල් හරි සයිකලේ රෝද කැරකෙනවනං ආයෙ මොකක්ද කියල මං ඒක මගෙ තනි අයිතියට ගත්තා....

මම ඉතිං ලොක්කගෙ ගෙදරට ගිහිල්ල කෑම බාස්කට් තුනහතරකුත් ඒකෙ ඉස්සරහ කූඩෙ දාගෙන එනකොට හැමදාම බල්ලෙක් පනිනව සයිකලේට.... ඒකත් හරියටම කැඩිච්ච බෝක්කුවක් තියන තැනක.... පැටලිලා වැටුනොත් කෑම බාස්කට් එක්ක බෙල්ලත් කූඩෙ දාගෙන එන්න වෙනව පොඩ්ඩ මිස් වුනානම්.... කීපවතාවක්ම මූ සයිකලේට පැන්න හින්දම දවසක් මම සයිකලේ නවත්තලා මූට පුඩිය දෙන්න හදනකොටම ගෙදර අයිතිකාරයා ඇවිල්ලා මහා ගාම්බීර සද්දෙකින් " මේ මේ බල්ලට එහෙම ගහන්නෑ හරිද.... තමුසෙල පාරෙ යන්න දැනගන්නව හරියට කියල කිව්ව.... ඒ දවස් වල සුප් එකක් බොන්න තරමට මගෙ ඇගේ මස් නැති හින්ද කරබාගෙන ආව.... ඒ වුනාට මට ඒක සෑහෙන මදිකමක්... හිටපං වෙලාවක් බලලා තොට දෙන්නං දීමනාව කියල හිතේ තියාගෙන මම දිනපතාම එතනින් යනව... මූත් හැමදාම මට බුරාගෙන පනිනව... ගෙදර එකා මිදුලෙ හිටියොත් ඌ මට නක්කලේට හිනාවක් දානව... මං කරගන්න දෙයක් නැති කමට පාඩුවෙ එනව.... හැමදාම ඕකම වෙනව...

කොකාට කොච්චර වාරයක් ආවත් හැමදා නියං එකදා වැහිවලාවේ කියල කොකාට එනව වාරයක් ආයෙ ඉතිං ඇරියස් ලොට් පිටින් අල්ලන්න.... අන්න එහෙම දවසක ලොක්කා මට කියනව පෙසා ගෙදරට ගිහින් කාබන් ටිප් දෙකතුනක් අරන් වරෙන්කො කියල.... මාත් සයිකලේ නැගල යනව ලොක්කගෙ ගෙදරට.. යනකොට අර කුණකටු බල්ලා ඉන්නව පාර අයිනෙ.... මම හෙමීට යනකොට බුවා පාරට පැනල පස්සෙන් එලෙව්ව... ගෙදර එකා ඉස්තෝප්පුවෙ ඉඳගෙන පත්තරයක් බලනව.... මම කරබාගෙන ලොක්කගෙ ගෙදරට ගිහින් කාබන් ටිප් දෙකක් සාක්කුවෙ දාගෙන ආයෙ එන්න පටන් ගත්තා.... අන්න ඒ වෙලාවෙ මට මහා නින්දිත අදහසක් පහල වුනා..... ඉඳල හිටල මට පහල වෙන ඔය වගේ අදහස් ආයෙ ලේසියෙන් වරදින්නෙත් නෑ.... ඒකත් හිතේ තියාගෙන මම වෙනදට වඩා සෑහෙන වේගෙකින් සයිකලේ පැදගෙන ආවා...... මම එනවා දුර තියාගෙනම බලන් හිටිය බල්ලා වෙනද වගේම පාරට පනින්න රෙඩි වෙලා හිටියා..... මමත් වෙනදා එනවට වඩා දෙගුණයක් වේගෙන් සයිකලේ පැදගෙන ආවා..... හරියටම වෙනදා පනින තැනදි බල්ලා පැන්නා.... හැබැයි මං ආව ස්පීඩ් එක වැඩි නිසා බල්ලට එදා ටයිමින් එක වැරදුනා..... මමත් තියන කුප්ප කමට බයිසිකලේ බල්ලගෙ ඇඟට ඇල්ලුවා.... ඒ ගමන්ම පස්ස බ්‍රේක් එකත් ලොක් වෙන්නම ඇල්ලුවා.... එක පාරටම හරස් වෙච්ච බයිසිකලේ පස්සෙ රෝදෙ ඇක්සලේ කෙරවල් දෙකට මං හයිකරල තිබ්බ සුදුයකඩ බට කෑලි දෙකෙන් එකක් බල්ලගෙ කටේ වැදිල කට ඉරාගෙන දතුත් කඩාගෙන ගියා.... සයිකලේ ස්ටෑන්ඩ් එකත් උගේ බඩ දිහාවෙ ඇනුනා.... වැදිච්ච පාරට රෝල් වෙච්ච බල්ලා කම්බි වැටෙත් පැටලුනා..... වෙච්ච දේට බුවා කොම්ෆියුස් වෙලා ආයෙ නැගිටල දිව්වෙ කම්බි වැටටමයි... වැටේ දෙපාරක් පැටලිච්ච බල්ලා මරලතෝනි දීගෙන ආගිය අතක් නැතිවෙන්නම දිව්වා... ලස්සනම දේ කියන්නෙ ගෙදර එකා සීන් එක හොඳට බලාගෙන..... මං ආයෙ සයිකලේ ඩබල් දාල පාගන ගමන් " බල්ලො හදනකොට බල්ලො දැනගන්න ඕන බල්ලො බල්ලො විදිහට හදන්න කියල සිංගාල එතනින් මාරු වුනා.... දවස් දෙකකට පස්සෙ දැනගත්තෙ.. බල්ලගෙ කටේ දත් හයක් මිසින් කියල.... ඒ විතරක් නෙවෙයි කටේ එක පැත්තක පදාසයක්ම ගැලවිලා කියල... එදායින් පස්සෙ ඒ බල්ලා පාරෙ සයිකල් යනව දකිනකොටත් හැංගෙනව.... ගෙදර එකත් මිදුලෙ හිටියොත් අහක බලාගන්නව.... බල්ලො දැනගන්න ඕන බල්ලො බල්ලො විදිහට හදන්න.....😅😅

Prasad Pathirana