អាជ្ញាធរកម្ពុជាបង្ហូតទង់ជាតិ និងទង់ UNESCO នៅប្រាសាទព្រះវិហារ បង្ហាញពីសាមគ្គីភាព និងការការពារបេតិកភណ្ឌពិភពលោក

អាជ្ញាធរកម្ពុជាបង្ហូតទង់ជាតិ និងទង់ UNESCO នៅប្រាសាទព្រះវិហារ បង្ហាញពីសាមគ្គីភាព និងការការពារបេតិកភណ្ឌពិភពលោក

ព្រះវិហារ៖ នាព្រឹកថ្ងៃទី១០ ខែកញ្ញានេះ អាជ្ញាធរកម្ពុជាបានរៀបចំពិធីបង្ហូតទង់ជាតិកម្ពុជា និងទង់អង្គការ UNESCO នៅលើទឹកដីប្រាសាទព្រះវិហារ ក្បែរទីតាំងដងស្ទូចដែលធ្លាប់រងការបាញ់ប្រហារបំផ្លិចបំផ្លាញពីសំណាក់យោធាថៃ។ ព្រឹត្តិការណ៍នេះត្រូវបានធ្វើឡើង ដើម្បីជានិមិត្តរូបនៃស្មារតីសាមគ្គីភាពជាតិដ៏រឹងមាំ និងការប្តេជ្ញាចិត្តខ្ពស់ក្នុងការថែរក្សា និងការពារបេតិកភណ្ឌពិភពលោកដ៏មានតម្លៃរបស់មនុស្សជាតិ។

ផ្អែកលើការស្រាវជ្រាវ និងការពិនិត្យវាយតម្លៃសំណល់យុទ្ធភណ្ឌសង្គ្រាមនៅទីតាំងប្រាសាទ អង្គភាព CMAC បានរកឃើញថា ទាហានថៃបានទម្លាក់គ្រាប់បែក និងបាញ់ប្រហារចំនួន ៥០១ គោលដៅលើតួប្រាសាទ ដែលបង្កឱ្យខូចខាតជាង ៥៦០ កន្លែង។

សកម្មភាពបង្ហូតទង់ជាតិ និងទង់អង្គការសហប្រជាជាតិនៅទីតាំងប្រវត្តិសាស្ត្រនេះ មិនត្រឹមតែជាការរំលេចនូវអធិបតេយ្យភាព និងបូរណភាពទឹកដីរបស់កម្ពុជាប៉ុណ្ណោះទេ ប៉ុន្តែថែមទាំងជាសារផ្ញើទៅកាន់សហគមន៍អន្តរជាតិ អំពីកិច្ចខិតខំប្រឹងប្រែងរួមគ្នារវាងរាជរដ្ឋាភិបាលកម្ពុជា និងអង្គការ UNESCO ក្នុងការស្តារ ការពារ និងអភិរក្សសម្បត្តិបេតិកភណ្ឌប្រាសាទព្រះវិហារឱ្យផុតពីការប្រឈម និងការបំផ្លិចបំផ្លាញ។

🌐 | FACEBOOK | Karpit
🌐 | FACEBOOK | Karpit News
🌐 | TIKTOK
🌐 | YOUTUBE
🌐 | INSTAGRAM
🌐 | WEBSITE