ਰੋਹੀ ਵਾਲਾ ਰੁੱਖ
ਪਿਲਕਣ, ਪਿੱਪਲ, ਗੁੱਲਰ,
ਬੋਹੜ ਤੇ ਅਮਲਤਾਸ,
ਰੁੱਖ ਪੰਜ-ਆਬ ਦੀ ਧਰਤ ਦੇ,
ਜੀਵਨ ਦੀ ਨੇ ਆਸ।
ਨਿੰਮ, ਬਹੇੜਾ, ਮਹੂਆ
ਤੇ ਕਿੱਕਰ, ਬੇਰੀ,
ਨਿੱਤ ਲਗਦੇ-ਕਰਦੇ ਜਾਪਦੇ,
ਗੱਲ ਤੇਰੀ-ਮੇਰੀ।
ਚਿੱਟੀ ਸਰੀਂਹ ਵੀ ਫੱਬਦੀ,
ਧੱਕ ਪਾਉਂਦੀ ਕਾਲੀ,
ਜੰਡ, ਪਲਾਸ਼ ਨੇ ਢਕ ਰੱਖੀ
ਪਹੀ ਬੰਬੀ ਵਾਲੀ।
ਹਾਰ-ਸ਼ਿੰਗਾਰ, ਰਜੈਣ ਤੇ
ਨਾਲੇ ਅੰਬ ਦੇਸੀ,
ਕਦੇ ਕੋਲ ਸਿਆਲੀਂ
ਜਾ ਬਹਾਂ, ਲੈ ਡੱਬੀ ਖੇਸੀ।
ਟਾਹਲੀ, ਟਾਹਲਾ, ਇਮਲੀ,
ਹਰਿਆ ਸੁਖਚੈਨ,
ਆ ਬਹਿ ਸਾਡੀ ਆਗ਼ੋਸ਼ ਵਿੱਚ,
ਨਿੱਤ ਮੈਨੂੰ ਕਹਿਣ।
ਖੈਰ, ਰੇਰੂ ਤੇ ਫਾਲਸਾ,
ਸ਼ਹਿਤੂਤ, ਫਲਾਹੀ,
ਕਦੇ ਪਾਉਂਦੇ ਦਿਸਦੇ ਜਾਪਦੇ,
ਕੋਈ ਬਾਤ ਇਲਾਹੀ।
ਜਾਮਣ, ਜਮਊਆ, ਸਿੰਬਲ
ਤੇ ਅਰਜਨ, ਕਚਨਾਰ,
ਕੋਲੋਂ ਲੰਘਿਆਂ ਛਿੜ ਜਾਵਣ
ਸਭ ਦਿਲ ਦੇ ਤਾਰ।
ਬਿੱਲ, ਕਰੌਂਦਾ, ਰੀਠਾ, ਕੁਸਮ
ਤੇ ਹਰੜ, ਕਦੰਬ,
ਖੁਸ਼ਬੋਈਆਂ ਨਾਲ ਭਰ ਜਾਂਦਾ,
ਜਿਉਂ ਅੰਗ-ਅੰਗ।
ਜੰਗਲ-ਜਲੇਬੀ, ਮਹਿੰਦੀ
ਤੇ ਬੱਲਮਖ਼ੀਰਾ,
ਗੁਲਹੜ, ਵਣ, ਕਰੀਰ ਭਰੇ,
ਯਾਦਾਂ ਦਾ ਜਖੀਰਾ।
'ਮਰੂਦ, ਨਿੰਬੂ ਤੇ ਸਹੰਜਣਾ
ਰੁੱਖ ਸਿਹਤ ਵਧਾਉਂਦੇ,
ਢੇਊ, ਖਜੂਰ ਤੇ ਕੜੀਪੱਤਾ,
ਭੋਜਨ ਮਹਿਕਾਉਂਦੇ।
ਤੂਤ, ਲਸੂੜਾ, ਚਮਰੋੜ,
ਰੁੱਖ ਅੰਬੀਆਂ ਵਾਲਾ,
ਯਾਦਾਂ ਦੇ ਵਿੱਚ ਧਸ ਗਿਆ,
ਰੁੱਖ ਰੋਹੀ ਵਾਲਾ।
ਯਾਦਾਂ ਦੇ...
(ਗੁਰਸ਼ਰਨ ਸਿੰਘ)
ਪਿਲਕਣ, ਪਿੱਪਲ, ਗੁੱਲਰ,
ਬੋਹੜ ਤੇ ਅਮਲਤਾਸ,
ਰੁੱਖ ਪੰਜ-ਆਬ ਦੀ ਧਰਤ ਦੇ,
ਜੀਵਨ ਦੀ ਨੇ ਆਸ।
ਨਿੰਮ, ਬਹੇੜਾ, ਮਹੂਆ
ਤੇ ਕਿੱਕਰ, ਬੇਰੀ,
ਨਿੱਤ ਲਗਦੇ-ਕਰਦੇ ਜਾਪਦੇ,
ਗੱਲ ਤੇਰੀ-ਮੇਰੀ।
ਚਿੱਟੀ ਸਰੀਂਹ ਵੀ ਫੱਬਦੀ,
ਧੱਕ ਪਾਉਂਦੀ ਕਾਲੀ,
ਜੰਡ, ਪਲਾਸ਼ ਨੇ ਢਕ ਰੱਖੀ
ਪਹੀ ਬੰਬੀ ਵਾਲੀ।
ਹਾਰ-ਸ਼ਿੰਗਾਰ, ਰਜੈਣ ਤੇ
ਨਾਲੇ ਅੰਬ ਦੇਸੀ,
ਕਦੇ ਕੋਲ ਸਿਆਲੀਂ
ਜਾ ਬਹਾਂ, ਲੈ ਡੱਬੀ ਖੇਸੀ।
ਟਾਹਲੀ, ਟਾਹਲਾ, ਇਮਲੀ,
ਹਰਿਆ ਸੁਖਚੈਨ,
ਆ ਬਹਿ ਸਾਡੀ ਆਗ਼ੋਸ਼ ਵਿੱਚ,
ਨਿੱਤ ਮੈਨੂੰ ਕਹਿਣ।
ਖੈਰ, ਰੇਰੂ ਤੇ ਫਾਲਸਾ,
ਸ਼ਹਿਤੂਤ, ਫਲਾਹੀ,
ਕਦੇ ਪਾਉਂਦੇ ਦਿਸਦੇ ਜਾਪਦੇ,
ਕੋਈ ਬਾਤ ਇਲਾਹੀ।
ਜਾਮਣ, ਜਮਊਆ, ਸਿੰਬਲ
ਤੇ ਅਰਜਨ, ਕਚਨਾਰ,
ਕੋਲੋਂ ਲੰਘਿਆਂ ਛਿੜ ਜਾਵਣ
ਸਭ ਦਿਲ ਦੇ ਤਾਰ।
ਬਿੱਲ, ਕਰੌਂਦਾ, ਰੀਠਾ, ਕੁਸਮ
ਤੇ ਹਰੜ, ਕਦੰਬ,
ਖੁਸ਼ਬੋਈਆਂ ਨਾਲ ਭਰ ਜਾਂਦਾ,
ਜਿਉਂ ਅੰਗ-ਅੰਗ।
ਜੰਗਲ-ਜਲੇਬੀ, ਮਹਿੰਦੀ
ਤੇ ਬੱਲਮਖ਼ੀਰਾ,
ਗੁਲਹੜ, ਵਣ, ਕਰੀਰ ਭਰੇ,
ਯਾਦਾਂ ਦਾ ਜਖੀਰਾ।
'ਮਰੂਦ, ਨਿੰਬੂ ਤੇ ਸਹੰਜਣਾ
ਰੁੱਖ ਸਿਹਤ ਵਧਾਉਂਦੇ,
ਢੇਊ, ਖਜੂਰ ਤੇ ਕੜੀਪੱਤਾ,
ਭੋਜਨ ਮਹਿਕਾਉਂਦੇ।
ਤੂਤ, ਲਸੂੜਾ, ਚਮਰੋੜ,
ਰੁੱਖ ਅੰਬੀਆਂ ਵਾਲਾ,
ਯਾਦਾਂ ਦੇ ਵਿੱਚ ਧਸ ਗਿਆ,
ਰੁੱਖ ਰੋਹੀ ਵਾਲਾ।
ਯਾਦਾਂ ਦੇ...
(ਗੁਰਸ਼ਰਨ ਸਿੰਘ)