സമസ്‌ത സ്നേഹികൾ

മുഹമ്മദ് ഫൈസി പാതാർ എഴുതുന്നു

ഓട് പൊളിച്ച് ഇറങ്ങി വന്നതല്ല
ഹമീദ്ഫൈസി
എന്ന നേതാവ്
......................................

മുതഅല്ലിമാണ്.
തഫ്സീർ ,
മിശ്ക്കാത് ഓതുന്നു.
പേര്
അബ്ദുൽ ഹമീദ്

നാട്ടിലെ ചില പ്രമുഖരുണ്ട്.
അവർ മുജാഹിദ് പ്രചാരകരാണ്.
പരിചയം വെച്ചുള്ള സംസാരം ആശയ ചർച്ചയിലേക്ക് മാറി, തെളിവുകൾ നിരത്തിയുളള സമർത്ഥനം. മുതഅല്ലിമിന് മുമ്പിൽ പ്രമുഖരും
മൗലവിയും മൗനിയായി.

ദർസ് പഠന ശേഷം ജാമിഅയിൽഎത്തി. സമസ്തയിൽ അസ്വസ്ഥത
യുണ്ടാക്കിയ
കാന്തപ്പുരക്കാർ കഠിനശല്ല്യക്കാരായി.

എസ് എസ് എഫ് തലതിരിഞ്ഞ് ഓടാൻ തുടങ്ങി. അഭിവന്ദ്യ പണ്ഡിതർക്ക് പ്രയാസമായി . അബ്ദുൽ ഹമീദ് എന്ന ധീരനായ വിദ്യാർത്ഥി സമാന മനസ്ക്കരെ ഒരുമിച്ചിരുത്തി. അതോടെ
എസ് എസ് എഫിന് എതിരെ ആക്ഷൻ കമ്മിറ്റി രൂപീകൃതമായി.
ഉസ്താദ് മാർക്ക് മുമ്പിൽ കുറ്റപത്രം സമർപ്പിച്ചു.
എസ് എസ് എഫിനെതിരെ
നടപടി വന്നു.

ജാമിഅ പഠനം കഴിഞ്ഞു. ഉയർന്നമാർക്കോടെ പാസായി.ഫൈസി
സനദ് വാങ്ങി.
അബ്ദുൽ ഹമീദ് ഫൈസി അമ്പലക്കടവ് വെട്ടി തിളങ്ങി.

സമസ്തയുടെ
ഉസ്താദുമാർക്ക് മുമ്പിൽ വഴങ്ങാത്ത എസ് എസ് എഫിനെ സമസ്ത ഉപേക്ഷിച്ചു.
പകരം
എസ് കെ എസ് എസ് എഫ് നിലവിൽ വന്നു.
അതിന്റെ ജനറൽ സെക്രട്ടറിയായി ഹമീദ് ഫൈസി എത്തി.

പഠനവും മനനവും പ്രവർത്തനവും ഹമീദ് ഫൈസി മുഴുസമയ സംഘടനാവർക്കറായി.

സമാന്തരക്കാരുടെ കളള പ്രചരണങ്ങളുടെ മുനയൊടിച്ച് എസ് കെ എസ് എസ് എഫ് മുന്നേറി.
അതോടെ കാന്തപ്പുരക്കാരുടെ ശത്രുവായി ഹമീദ് ഫൈസി മാറി.
സംഘടനാപ്രവർത്തനത്തിന്റെ ലക്ഷ്യം മാർഗ്ഗം വിശദീകരിച്ച് പ്രവർത്തകർക്ക് പ്രചോദനമാവുംവിധം ഒരു പുസ്തകം രചിച്ചു.
"ജിഹാദിന്റെ വഴി "
ഇന്നും നവപ്രവർത്തകർക്ക് കുളിർമ്മയാണിത്.

ബാബരി പള്ളി പൊളിച്ചതിന്റെ മറവിൽ
മെഴുകുതിരി വെട്ടത്തിൽ
എൻ ഡി എഫ്മുനിഞ്ഞ് കത്തുന്ന സമയം,

ഹമീദ് ഫൈസി അവരുടെ നേതാക്കളെ നേരിൽ കണ്ടു , സംവദിച്ചു.
പിഴച്ചതും
പിടിവിട്ടതുമാണ് ഇവരുടെ ആശയമെന്ന് ബോധ്യമായി.
എൻ ഡി എഫിനെതിരെ എഴുത്ത് തുടങ്ങി, പ്രസംഗവും
എസ് കെ എസ് എസ് എഫ് ഇവർക്കെതിരെ ക്യാമ്പയിൻ നടത്തി.
ജനം ശ്രദ്ധിച്ചു.
സമുദായത്തിലേക്ക് നുഴഞ്ഞ് കയറാനുള്ള
എൻ ഡി എഫിന്റെ പദ്ധതി പാളി. അവരും ഫൈസിയുടെ കഠിന ശത്രുവായി .

നാട്ടിക ഉസ്താദിനോട് കൂടെ നടന്നതാണ് ,
സുന്നത്ത് ജമാഅത്തിൽ വിട്ട് വീഴ്ച്ചയില്ല.
മുജാഹിദ് ,ജമാഅത്ത് തുടങ്ങിയവരുടെ വാദങ്ങളെ പ്രമാണം വെച്ച് പൊളിച്ചടക്കി ഫൈസി പ്രസംഗിച്ചു.
"തൗഹീദും ശിർക്കും " എന്ന കനപെട്ട പുസ്തകം രചിച്ചു. അവർക്കും ഫൈസി കണ്ണിലെ കരടായി .

പച്ചയാണ്
രാഷ്ട്രീയം
അതിന്റെ പ്രവർത്തകനുമാണ്. ലീഗിന്റെ ലക്ഷ്യം
പാവന മാണ്, പരുശുദ്ധമാണ്.
അതിന് കളങ്കം സംഭവിച്ചുക്കൂടാ.
ഹമീദ് ഫൈസിയുടെ ആഗ്രഹമാണ്. പാർട്ടിക്ക് ക്ഷതമേൽപ്പിക്കുന്ന കാര്യങ്ങളെ തടുക്കാനും തിരുത്താനും മുന്നിൽ നിന്നു .
" ദി ബാലൻ ഷീറ്റ് "
യൂത്ത് ലീഗ് കൊണ്ടുവന്നഫിലീമിനെതിരെ സംഘടന രംഗത്ത് വന്നു.
അതോടെ അവർക്കും പിണക്കം തുടങ്ങി.
ദീനിന്റെ നിലപാട് ധീരമായി പറഞ്ഞു. കേട്ടപാതി ജയിലിലടക്കുമെന്ന ഭീക്ഷണിയുമായി
സി.പി എമ്മും രംഗത്തെത്തി.

സമസ്ത ആശയത്തിന് എതിരായി സമന്യയസ്ഥാപനത്തിൽ നിന്ന് വരികളും വരകളും വരാൻ തുടങ്ങി .
അരുത് എന്ന് പറഞ്ഞു. അവർക്കും ഫൈസി ഒരു പ്രശ്നക്കാരനായി.

സമസ്ത ആദർശത്തിന് വിരുദ്ധമായി
ആശയ ,ആദർശ രംഗത്ത് പ്രകടമാവുന്ന അരുതായ്മകൾക്കെതിരെ ഹമീദ് ഫൈസി പോരാടിയിട്ടുണ്ട്.
അത് മുഖേനെ നാട്ടിലും മറുനാട്ടിലുമായി ലക്ഷക്കണക്കിന് പ്രവർത്തകരുടെ ഇഷ്ട നേതാവായിഅദ്ദേഹം.

പ്രലോഭനങ്ങളിൽ വഴങ്ങാതെ,
പ്രകോഭനങ്ങളിൽ വീഴാതെ
പതറാത്ത പാദവും ചിതറാത്ത ചിത്തവുമായി നമുക്ക് മുന്നേറാം.
അബ്ദുൽ ഹമീദ് ഫൈസി അമ്പലക്കടവ് എന്ന ആശയ പോരാട്ട
പോരാളിക്കൊപ്പം.

നന്മ ഉപദേശിക്കൽ പുണ്ണ്യമായത് പോലെ തിന്മയെ പ്രതിരോധിക്കലും പ്രതിഫലാർഹമാണ്.

- മുഹമ്മദ് ഫൈസി പാതാർ -