ဘရာဇီးနိုင်ငံ အရှေ့တောင်ပိုင်းတွင် ဘတ်စ်ကားမတော်တဆမှုဖြစ်ပွားပြီး လူ ၃၈ ဦးထက်မနည်းသေဆုံး

ဘရာဇီးနိုင်ငံ အရှေ့တောင်ပိုင်းတွင် ဒီဇင်ဘာ ၂၁ ရက်က ဘတ်စ်ကားတစ်စီး မတော်တဆမှုဖြစ်ပွားပြီး လူ ၃၈ ဦးထက်မနည်း သေဆုံးခဲ့ကြောင်း တာဝန်ရှိသူများက ပြောကြားခဲ့ကာ သမ္မတလူးဝစ်အင်နာစီယိုလူလာ ဒါဆေးလ်ဗားက အလွန်ဆိုးရွားသည့်အဖြစ်ဆိုးဟု ပြောကြားခဲ့သည်။

မီနက်စ်ဂျီရေ့စ်ပြည်နယ်တွင် ဖြစ်ပွားသည့် ယင်းမတော်တဆမှုသည် ၂၀၀၇ ခုနှစ် နောက်ပိုင်းဘရာဇီး၏ ဖက်ဒရယ်အဝေးပြေးလမ်းများတွင် အဆိုးရွားဆုံး ဖြစ်စဉ်ဖြစ်ကြောင်း ဖက်ဒရယ်အဝေးပြေး ရဲတပ်ဖွဲ့(PRF)ကဆိုသည်။

သေဆုံးသူ ၃၈ ဦးရှိကာ ကိုးဦးဆေးရုံတက်ရောက် ကုသနေကြောင်း အရပ်ဘက်ရဲတပ်ဖွဲ့က အတည် ပြုထားသည်။ ကနဦး သတင်းအချက်အလက်အရ ဆန့်ကျင်ဘက် လမ်းကြောင်းတွင် သွားလာနေသည့် ကုန်တင်ကားတစ်စီးမှ ကျောက်တုံးကြီး တစ်တုံးသည် ပြုတ်ကျလာခဲ့ရာ ယင်းဘတ်စ်ကားက ဝင်တိုက်မိပြီး ယင်းကဲ့သို့ ဝင်တိုက်မိခဲ့ခြင်းကြောင့် မီးလောင်ခဲ့ကြောင်း PRF ကဆိုသည်။
Ref:AFP

■ Website Link - - - >>>https://news-eleven.com/article/297695